Historyk Ihar Marzaluk adbivaje pakłony pomniku Alaksandru Nieŭskamu. Fota: telehram-kanał Ministerstva abarony

Historyk Ihar Marzaluk adbivaje pakłony pomniku Alaksandru Nieŭskamu. Fota: telehram-kanał Ministerstva abarony

Na ŭčorašniuju ŭračystaść adpravili inśpiektara pa Minsku Alaksandra Barsukova, namieśnika staršyni Minskaha harvykankama Arcioma Curana, praŭładnaha historyka i deputata Pałaty pradstaŭnikoŭ Ihara Marzaluka (jaki kłaniaŭsia rasijskamu kniaziu), staršyniu kamisii pa mižnarodnych spravach i nacyjanalnaj biaśpiecy Savieta Respubliki Siarhieja Račkova, a taksama pamočnika Ministra abarony pa ideałahičnaj rabocie hienierał-majora Leanida Kasinskaha.

Pry hetym, miarkujučy pa fota i navinach, nie było top-čynoŭnikaŭ, taho ž vice-premjera ci samoha staršyni Minharvykankama.

Mitrapalit Vienijamin, inśpiektar pa Minsku Alaksandr Barsukoŭ, pasł Rasii Barys Hryzłoŭ i namieśnik staršyni Minskaha harvykankama Arciom Curan. Fota: BiełTA

Mitrapalit Vienijamin, inśpiektar pa Minsku Alaksandr Barsukoŭ, pasł Rasii Barys Hryzłoŭ i namieśnik staršyni Minskaha harvykankama Arciom Curan. Fota: BiełTA

«Danina pavahi bratam rasijanam»

Arciom Curan uviekaviečvańnie ŭ Minsku histaryčnaha piersanaža, jaki nie maje dačynieńnia da biełaruskaj daŭniny, apraŭdvaŭ tym, što

«heta nie prosta pomnik čałavieku ŭ historyi — heta danina pavahi našym sajuźnikam, bratam rasiejcam».

Hetuju arhumientacyju čynoŭnika padtrymaŭ łukašyscki ananimny telehram-kanał «Hrafač». «Lepš pomniki budavać, čym ich znosić. I ničoha kiepskaha niama ŭ pavazie da historyi — svajoj i čužoj. U Biełarusi žyvie amal 800 tysiač rasiejcaŭ pa nacyjanalnaści», — napisaŭ kanał, niby padkreślivajučy, što Nieŭskaha da biełaruskaj historyi nie prypisvajuć.

«Uschod patrabavaŭ daniny, a Zachad — dušu»

Zrešty, takoha tłumačeńni nie ŭsie trymalisia. Prapahandyst Ryhor Azaronak nie pryvodzić arhumientaŭ, jak podźvihi Nieŭskaha źviazanyja ź Biełaruśsiu, ale dla jaho važna, što dziejača z rańniaha siaredniaviečča šanavali Ivan Žachlivy, Piotr I dy Stalin.

Sam ža kniaź, nastojvaje prapahandyst, byŭ za narod i vystupaŭ suprać «bajarskaj elitki», jakaja prahnuła «sajuza z Papam, šviedami, teŭtonami, Zachadam».

«Kniaź Alaksandr biŭsia z Zachadam, prymiryŭsia z Uschodam. Bo Uschod patrabavaŭ daniny, a Zachad — dušu. Abiacaŭ i zołata, i dapamohu <…>, ale prasiŭ samuju drabnicu — zdradźcie viery. Uschod zabiraŭ daninu, ale vieru nie čapaŭ», — adznačaje Azaronak.

Pavodle praŭładnaha palitołaha, piśmieńnika-kamunista Andreja Łazutkina, pomnik Nieŭskamu — nievypadkovaja inicyjatyva rasijskaha pasolstva. Nieŭski — «źbiralny vobraz paśpiechaŭ Rasii na paŭnočna-zachodnim napramku», jaki «abjadnoŭvaje Prybałtyku i Biełaruś u adnu zonu adkaznaści».

«Nieŭski viadomy tym, što spyniŭ vajennuju ahresiju Teŭtonskaha ordena, jakaja išła z terytoryi Livonii — sučasnych bałtyjskich dziaržaŭ, — adznačaje Łazutkin.

— Biełaruski bałkon, pa sutnaści, siońnia vykonvaje tuju ž funkcyju — u vajennym płanie jon zabiaśpiečvaje chutki dostup da Kalininhrada ŭ vypadku suchaputnaj błakady NATA, a ŭ płanie dypłamatyi — stvaraje ŭ Prybałtycy viektar uzajemavyhadnych intaresaŭ, typu partoŭ i tranzitu, upłyvajučy tym samym na ŭnutranuju palityku. Litvy i Łatvii».

Pomnik Nieŭskamu pastavili niepadalok ad pasolstva Rasii, na pierakryžavańni vulic Staravilenskaj i Navavilenskaj. U prajekcie ŭdzielničała rasijskaje vajskova-histaryčnaje tavarystva. Na afarmleńnie dakumientacyi i ŭstanoŭku pomnika chapiła hoda. Na adkryćcio sabrali masoŭku ź dziasiatkaŭ ludziej.

Pomnik Alaksandru Nieŭskamu, jaki kniažyŭ u Noŭharadzie ŭ siaredzinie XIII stahodździa i ličycca pałkavodcam Maskoŭskaj Rusi, nie ŭnikalny dla Biełarusi. Jon jość u Viciebsku. U Minsku manumient konny.

Alaksandr Nieŭski braŭ dazvoł na kniažańnie ŭ vaładara Załatoj Ardy Batyja i płaciŭ jamu za heta daninu. Nieŭski byŭ zacikaŭleny va ŭmacavańni asabistaj ułady, tamu išoŭ na pakłon da Batyja.

Hladzicie taksama: 

U Azaronka i Łazutkina spytali, ci stanie Biełaruś častkaj Rasii. Adkaz i łohika niečakanyja

Biahun raskrytykavaŭ Azaronka: Ašaleły papulizm, pamnožany na stereatypnuju prapahandu

«Jon vielmi ścipły čałaviek». Hiendyrektar «Biełaruśfilma» miarkuje, što pryjšoŭ čas źniać film pra Łukašenku

Azaronak u majcy z Z spaliŭ biełaruski ściah u lesie, dzie razvodzić vohnišča zabaroniena

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?