Na sajcie Kamiteta dziaržaŭnaj majomaści adznačajecca, što havorka idzie pra «abjekty historyka-kulturnaj spadčyny, jakija nie vykarystoŭvajucca», ich płanujecca viarnuć u haspadarčy abarot, i jany čakajuć inviestycyjnych prapanoŭ.

U śpis abjektaŭ uvachodziać, akramia pałaca, budynki byłych śvirna, karetnaj, brovara, dvuch flihielaŭ i parku. Ciapier jany naležać roznym ułaśnikam. Sam pałac naležyć RUP «Instytut abarony raślin», budynak byłoj karetnaj znachodzicca ŭ padparadkavańni HP «Žyllovik Minščyny», a astatnija haspadarčyja pabudovy (u niezdavalniajučym stanie) — na bałansie TAA »Pryłukiinviest».

Brovar

Brovar

Zhodna z pastanovaj urada №763 ad 13 listapada 2019 hoda «Ab uciahvańni ŭ haspadarčaje abaračeńnie majomaści, jakaja nie vykarystoŭvajecca i nieefiektyŭna vykarystoŭvajecca», takija abjekty mohuć być pradadzienyja, zdadzienyja ŭ arendu, pieradadzienyja ŭ biazvypłatnaje karystańnie, pieradadzienyja ź dziaržaŭnaj ułasnaści ŭ pryvatnuju na biazvypłatnaj asnovie.

Flihiel

Flihiel

Śviran

Śviran

Karetnaja

Karetnaja

Pryłucki ansambl — adziny dobra zachavany ŭ rajonie. Upieršyniu jon byŭ pabudavany tut Hannaj Ahinskaj u siaredzinie XIX stahodździa, a ŭ 1868 hodzie jon zhareŭ. Hraf Emieryk Huten-Čapski kupiŭ majontak u 1871 hodzie i adbudavaŭ novy pałac — pa ŭzory staroha.

Paśla 1917 hoda tut byŭ dom adpačynku i sanatoryj, padčas niamieckaj akupacyi — rezidencyja haŭlajtara.

Pry adstupleńni niemcy spalili pałac. Jon byŭ znoŭ adbudavany pa ŭzory staroha i z 1971 hoda naležyć RUP «Instytut abarony raślin». Pałacavy kompleks źjaŭlajecca materyjalnaj nieruchomaj historyka-kulturnaj kaštoŭnaściu 2-j katehoryi.

Čytajcie taksama:

Što stała z rasijskimi pomnikami, jakija impieryja staviła ŭ nacyjanalnych pravincyjach

Biełarus stvaryŭ skulptury dla ałtara biełastockaha kafiedralnaha kaścioła

U Ščorsach znoŭ pasprabujuć pradać za biescań viandlarniu Chraptovičaŭ

Клас
0
Панылы сорам
2
Ха-ха
1
Ого
0
Сумна
2
Абуральна
2