Alaksandr — źleva z kijkom. Fota: telehram-kanał «Biełaruś z Danbasam»

Alaksandr — źleva z kijkom. Fota: telehram-kanał «Biełaruś z Danbasam»

U prarasijskim kanale «Biełaruś z Danbasam» raskazvajecca pra Alaksandra, jaki pajechaŭ u horad Amvrosijeŭka (Daniecki rajon) pieradać humanitarnuju dapamohu rasijskim sałdatam. Jaho brat vajavaŭ na baku Rasii i zahinuŭ, a ciapier pachavany ŭ Horłaŭcy (Danieckaja vobłaść).

«Ja pavinien zabrać orden brata, naviedać jaho mahiłu pobač z baćkam i pieradać dapamohu chłopcam, ź jakimi jon abaraniaŭ rodny horad», — pryvodzić słovy mužčyny kanał.

Razmova pra 45-hadovaha Alaksandra Stryžaka. Jahonuju asobu my vyznačyli, dziakujučy źviestkam ad «Kibierpartyzanaŭ» i supastaŭleńniu bijahrafii z toj, što apisali prapahandysty.

Alaksandr Stryžak. Fota: kanał «Biełaruś z Danbasam»

Alaksandr Stryžak. Fota: kanał «Biełaruś z Danbasam»

Jon rodam z Horłaŭki, horada, jaki z krasavika 2014-ha akupavany rasijskaj armijaj i ŭvachodziŭ u «DNR». Jon pryjechaŭ u Biełaruś razam z maci, jakaja, zhodna sa źviestkami ad «Kibierpartyzanaŭ», u 2003-m atrymała rasijskaje hramadzianstva. Asieli jany ŭ vioscy Daniłaŭka, jakaja znachodzicca ŭ Jelskim rajonie Homielskaj vobłaści.

Maci Alaksandra mieła IP, a taksama paśpieła papracavać u Jelskaj spartyŭnaj škole i na Jelskim kansiervavym zavodzie. Sam mužčyna aficyjna pracavaŭ tolki ślesaram na Dobrynskim śpirtzavodzie (jašče ŭ 2007-m), a paśla značyŭsia biespracoŭnym.

Dobrynski śpirtzavod. Fota: foto-planeta.com

Dobrynski śpirtzavod. Fota: foto-planeta.com

Pa źviestkach «Kibierpartyzanaŭ», mužčyna paśpieŭ zajmieć prablemy z zakonam: niekalki administracyjnych spraŭ za «pjanki» i kryminalnaja sprava za kiravańnie ŭ niećviarozym stanie i stvareńnie avaryjnaj situacyi.

Bačna taksama, što ŭ mužčyny prablemy sa zdaroŭjem — Stryžak pierasoŭvajecca z dapamohaj kijka.

Imavierna, jahony brat byŭ ukraincam pa hramadzianstvie, bo ŭ biełaruskich bazach brata ŭ Alaksandra niama. Jahony baćka pamior i pachavany ŭ Horłaŭcy. Nieviadoma, kim byŭ jahony brat i kali zahinuŭ na vajnie. Łukašyscki kanał piša, što paśmiarotna jaho ŭznaharodzili ordenam i pachavali pobač z baćkam.

Staronka Alaksandra ŭ sacyjalnaj sietcy «Ukantakcie»

Staronka Alaksandra ŭ sacyjalnaj sietcy «Ukantakcie»

Alaksandr kupiŭ dla rasijskich vojskaŭ paŭerbenki, bienzapiłu, dyzielny hienieratar i miedycynskija preparaty (praŭda, nie jasna, na jakija hrošy, z ulikam jaho pracoŭnaj bijahrafii). Usio heta z dapamohaj «vałancioraŭ» z RF jon zdoleŭ pieradać padraździaleńniam. Nakolki viadoma, jon užo viarnuŭsia dadomu.

Humanitarka. Fota: telehram-kanał «Biełaruś z Danbasam»

Humanitarka. Fota: telehram-kanał «Biełaruś z Danbasam»

«Naša Niva» źviarnułasia da jaho pa kamientar, ale Alaksandr nie staŭ havaryć.

«Vybačajcie, mnie niecikavyja vašy pytańni», — adkazaŭ jon.

Čytajcie taksama:

«Biełarusy, jakija doma, čakajcie nas». Były roznarabočy z Łuninieččyny vajuje za Rasiju — uziaŭ pazyŭny «Bulba»

Instruktar «Vahniera» z pazyŭnym «Brest»: Biełaruś — taki ž kirunak, jak i inšyja. A my spatrebimsia pierad vybarami

Šturmavik Pałka Kalinoŭskaha pra rasijskich sałdat: Siadzieŭ z paŭtaraškaj piva kala padjezda, a ciapier z takimi ž prydurkami jedzie «mačyć ukropaŭ»

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?