Skryn sajta all-home.by

Skryn sajta all-home.by

Na sajcie adnoj biełaruskaj-internet kramy hetaja papiera paŭdniovakarejskaha brenda SY CODI-LUXE kaštuje krychu daražej, čym u afłajn-kramie — 186 rubloŭ za ŭpakoŭku 30 rułonaŭ pa 30 mietraŭ (u kramie — 183 rubli). Atrymlivajecca, pa 6 rubloŭ 20 kapiejek za rułon. Dla paraŭnańnia: zvyčajnaja tualetnaja papiera ŭ minskich kramach pradajecca prykładna pa canie ad 47 kapiejek da 1 rubla 75 kapiejek za rułon.

U apisańni paznačana: heta premijalnaja asablivamiakkaja trochsłajovaja tualetnaja papiera ź ciśnieńniem. Vyrablena jana z vysakajakasnaj naturalnaj celułozy, biez prymianieńnia farbavalnikaŭ i addušak, fłuarescentnych adbielvalnikaŭ, što dazvalaje vykarystoŭvać jaje ludziam z samaj adčuvalnaj skuraj. Abiacajuć pavialičanuju ščylnaść i lohkaść, papieru možna vykarystoŭvać paśla bide.

Jość i bolš biudžetny varyjant — «usiaho» za 155 rubloŭ za 30 rułonaŭ (pa 5 rubloŭ 17 kapiejek za rułon). Taksama z Paŭdniovaj Karei. Heta premijalnaja asabliva miakkaja tualetnaja papiera Kleannara. Napisana, što jana vyrablena ź jakasnaj celułozy, biez adbielvalnikaŭ, aramatyzataraŭ i farbavalnikaŭ.

Skryn sajta all-home.by

Skryn sajta all-home.by

Ale možna i šykanuć i zamović niešta z samych darahich varyjantaŭ, jakija kaštujuć bolš za 200 rubloŭ. Heta asablivamiakkaja tualetnaja papiera Ssangyoung (208 rubloŭ za ŭpakoŭku, abo 6,9 rubla za rułon) i ŭltramiakkaja papiera z łaśjonam ałoe viera (216 rubloŭ za ŭpakoŭku, abo 7,2 rubla za rułon). Pra pieršuju napisana, što jana składajecca z naturalnaj celułozy na 26% i na 74% ź pierapracavanaj. Pra druhuju paznačana, što jana atrymała najvyšejšy bał u Instytucie dermatałahičnych daśledavańniaŭ (Hiermanija) i rekamiendavana dla samaj adčuvalnaj skury.

Skryn sajta all-home.by

Skryn sajta all-home.by

Zdajecca, takaja luksavaja tualetnaja papiera — niebanalny varyjant padarunka na śviaty. Naŭrad ci chto zmoža papraknuć vas u adsutnaści kreatyŭnaści i tym bolš u prahnaści.

Čytajcie taksama:

Durnicy na Kamaroŭcy kaštujuć u try razy tańniej, čym u hipiermarkietach

Aŭtary knihi za 150 jeŭra šukajuć vałancioraŭ dla pierakładu. Biełarusy ŭ adkaz aburylisia

«Žančyna, vaźmicie fiejchoa!» Što i pa jakich cenach pradajuć na sielskahaspadarčych kirmašach Minska

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?