U Kaladny post u racyjonie charčavańnia asnoŭnaj stanovicca raślinnaja ježa: sadavina, harodnina, chleb, kašy na vadzie. Ale charčovyja zabarony nie takija strohija, jak padčas Vialikaha postu, piša smartpress.by.

Niamožna jeści miasa, małočnyja pradukty (małako, alej, syr, johurty i hetak dalej), jajki, ałkahol (za vyklučeńniem nievialikaj kolkaści vina pa niadzielach i carkoŭnych śviatach).

Pavodle carkoŭnaha manastyrskaha statutu, kalandar charčavańnia ŭ hetyja dni praduhledžvaje:

28 listapada, 5, 12, 19, 26 śniežnia, 2, 3, 4, 5, 6 studzienia: haračaja ježa biez aleju;

29 listapada, 1, 3, 4, 6, 8, 10, 11, 13, 15, 17, 18, 24, 25, 31 śniežnia i 1 studzienia: haračaja ježa z alejem, ryba;

30 listapada, 2, 7, 9, 14, 16, 21, 23, 28, 30 śniežnia — suchajadzieńnie: chleb, sadavina, harodnina;

20, 22, 27, 29 śniežnia: haračaja ježa z alejem;

6 studzienia: suchajadzieńnie abo poŭnaje ŭstrymańnie ad ježy da pieršaj zorki.

Pravasłaŭnyja, što trymajucca novajulijanskaha kalendara (Hrecyja, Bałharyja, Rumynija, Kipr, Kryt, Usialenski patryjarchat, Pravasłaŭnaja carkva Ukrainy, jakoj kiruje mitralit Jepifanij dy inš.) pačali post 15 listapada, a Rastvo adznačać 25 śniežnia. 

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?