Donald Tramp. Fota: Charlie Neibergall / AP

Donald Tramp. Fota: Charlie Neibergall / AP

Fiederalny sud adchiliŭ chadajnictva eks-prezidenta ZŠA Donalda Trampa ab źniaćci suprać jaho abvinavačańniaŭ ab umiašańni ŭ vybary na padstavie prezidenckaha imunitetu, piša Bi-bi-si.

Advakaty Trampa śćviardžali, što jaho sproby admianić vyniki vybaraŭ 2020 hoda ŭvachodzili ŭ jahonyja prezidenckija abaviazki.

Adnak sudździa Tania Čutkan nie znajšła jurydyčnych padstaŭ dla vysnovy ab tym, što prezidentam nie mohuć być vystaŭlenyja kryminalnyja abvinavačańni paśla taho, jak jany pakinuli pasadu.

Trampa abvinavačvajuć u niezakonnaj sprobie admianić svaju parazu na vybarach.

«Jakimi b imunitetami ni karystaŭsia dziejny prezident, u Złučanych Štatach adnačasova moža być tolki adzin vykanaŭčy dyrektar, — napisała sudździa Čutkan pozna ŭviečary ŭ piatnicu. — Hetaja pasada nie daje prava paźbiahać turmy pažyćciova».

Jana dadała, što prezidenctva Tramp «nie daryła jamu boskaha prava karaloŭ uchilacca ad kryminalnaj adkaznaści».

Heta pieršaje rašeńnie amierykanskaha suda, jakoje paćviardžaje, što prezidenty mohuć padviarhacca sudovamu pieraśledu, jak i lubyja inšyja hramadzianie. Tramp — pieršy ź dziejučych abo byłych prezidentaŭ ZŠA, jakomu vystaŭlenyja kryminalnyja abvinavačańni.

Paśla vyniasieńnia rašeńnia pradstaŭnik pieradvybarčaha štaba Trampa zajaviŭ CBS, što «karumpavanyja levyja pacierpiać niaŭdaču, i prezident Tramp praciahnie zmahacca za Amieryku i amierykancaŭ, u tym liku asprečvajučy hetyja niepravamiernyja rašeńni ŭ vyšejšych sudach».

Trampu vystaŭlenyja čatyry kryminalnyja abvinavačańni, uklučajučy zmovu z metaj admieny vynikaŭ prezidenckich vybaraŭ 2020 hoda.

Jon nie pryznaje siabie vinavatym. Sud pa spravie ab zmovie, inicyjavany śpiecyjalnym prakuroram Džekam Śmitam, pavinien pačacca ŭ sakaviku ŭ Vašynhtonie, u razhar pieradvybarnaj kampanii pa vybarach prezidenta.

Čytajcie taksama:

Voś jak Tramp choča źmianić ZŠA ŭ vypadku svajoj pieramohi

Tramp nazvaŭ Orbana kiraŭnikom Turcyi i dadaŭ, što Turcyja miažuje z Rasijaj

Sud pryznaŭ Trampa vinavatym u machlarstvie

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?