Jens Stołtenbierh. Fota: Getty Images

Jens Stołtenbierh. Fota: Getty Images

Na dumku Stołtenbierha, kanflikty raźvivajucca paetapna i siońniašniaja krytyčnaja situacyja va Ukrainie moža stać jašče horšaj, kali Zachad nie pavialičyć pastavak zbroi.

«Nam treba rychtavacca da drennych navin», — skazaŭ Stołtenbierh.

Kiraŭnik Paŭnočnaatłantyčnaha aljansu nie adkazaŭ na pytańnie, jak treba dziejničać Uzbrojenym siłam Ukrainy ŭ hetaj situacyi. Jon ličyć, što «pryniaćcie hetych składanych apieratyŭnych rašeńniaŭ» pavinny ažyćciaŭlać ukrainskija ŭłady.

U pačatku listapada hałoŭnakamandujučy ŭzbrojenymi siłami Ukrainy Valeryj Załužny pryznaŭ, što vajna zajšła ŭ tupik i bajavyja dziejańni mohuć abiarnucca zaciažnoj pazicyjnaj vajnoj.

Ź inšaha boku prezident Ukrainy Uładzimir Zialenski zajaviŭ, što z nadychodam zimy pačynajecca novaja stadyja rasijska-ŭkrainskaha kanfliktu.

«U nas novaja faza vajny, heta fakt. Zima jak novaja faza vajny. Ja b skazaŭ, što zimoj vojny viaducca nie tolki na linii frontu, ale i ŭnutry haradoŭ», — skazaŭ ukrainski lidar.

Zialenski taksama adznačyŭ, što chutkich vynikaŭ dasiahnuć nie ŭdajecca, adnak heta nie padstava dla adstupleńnia.

Čytajcie taksama:

Kiraŭnik Ofisa prezidenta Ukrainy paraŭnaŭ vajnu z dystancyjaj u 100 mietraŭ 

Daniłaŭ: Ukraina maje šalonyja pośpiechi na Krymskim napramku

U Ofisie prezidenta Ukrainy paraili nie vynosić situacyju na froncie na publiku

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?