Fota: Peter Dazeley / Getty Images

Fota: Peter Dazeley / Getty Images

Akruhovaja prakuratura nakiravała ŭ sud kryminalnuju spravu, u ramkach jakoj 29-hadovy Kryśćian abvinavačvajecca ŭ kibiermachlarstvie i padrychtoŭcy kibierzłačynstvaŭ, piša Delfi.ee.

Ź vieraśnia 2020 hoda da červienia hetaha hoda jon razasłaŭ kala dvuch miljonaŭ fišynhavych paviedamleńniaŭ, u jakich nibyta papiaredžvaŭ abo infarmavaŭ klijentaŭ i prapanoŭvaŭ im nieadkładna ŭvajści ŭ internet-bank.

Listy ŭtrymlivali spasyłku, jakaja viadzie na fejkavyja sajty aŭstralijskich bankaŭ.

Kali atrymalnik paviedamleńnia ŭvodziŭ svaje danyja dla ŭvachodu ŭ bank, jon pieranakiroŭvaŭsia na siervier, kantralavany abvinavačanymi. Nieviadoma, kolki machlar atrymaŭ hrošaj, ale ŭ jaho i jahonaj siabroŭki Krystel kanfiskavanaja majomaść na 46 tysiač jeŭra.

Akramia hetaha mužčynu abvinavačvajuć u vykarystańni danych čužych kredytnych kart, pry dapamozie jakich jon rehistravaŭsia na roznych płatformach, naprykład, Bolt Food.

Za mnohija hady jon zamoviŭ adtul ježy na 9 000 jeŭra, raspłačvajučysia čužymi kredytnymi kartami. Taksama pry dapamozie čužych kredytnych kart zakazvaŭ roznyja tavary na handlovych placoŭkach.

Bolš za toje, jon i Krystel abvinavačvajucca ŭ niezakonnym abarocie narkatyčnaha rečyva ŭ nievialikich abjomach. Krystel abvinavačvajuć jašče i ŭ dapamahańni ŭ padrychtoŭcy kibierzłačynstva.

Ich aryštavali ŭletku, ale za kratami znachodzicca Kryścijan.

Kali jaho pryznajuć vinavatym u nieadnarazovym kibiermachlarstvie, jaho mohuć źniavolić na termin ad adnaho da piaci hadoŭ.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?