Fota: Mns.gov.ua

Fota: Mns.gov.ua

11 śniežnia a 4 hadziny ranicy ŭ Kijevie prahučała sieryja vybuchaŭ, paśla čaho była abvieščanaja pavietranaja tryvoha, piša UNIAN.

U Darnickim rajonie ŭ žyłym domie vybityja šyby, papiarednie abłomkami škła traŭmavałasia dzicia i dvoje darosłych, raspavioŭ načalnik Kijeŭskaj haradskoj vajennaj administracyi Siarhiej Papko.

U Hałasiejeŭskim rajonie imavierna z pryčyny padzieńnia abłomkaŭ rakiety było zadymleńnie na dachu žyłoha doma. 

Pavodle infarmacyi Vitala Kličko, u vyniku ataki voraha abłomak rakiety paškodziŭ u Darnickom rajonie niedabudavany budynak. Pažar tam apieratyŭna patušyli. 

Paśla Kličko paviedamiŭ ab čatyroch paciarpiełych.

«Čatyry čałavieki — usie darosłyja — paciarpieli ŭ Darnickim rajonie ŭ vyniku rakietnaj ataki voraha. Miedyki akazali im dapamohu na miescy», — havorycca ŭ paviedamleńni.

Pavodle jaho słoŭ, taksama abłomak rakiety vyjavili na terytoryi kramy-składa ŭ Darnickim rajonie. Abyšłosia biez pažaru i paškodžańniaŭ budynka.

U pavietranych siłach zrabili spravazdaču, što kala čatyroch hadzin ranicy 11 śniežnia rasiejskija akupanty nanieśli rakietny ŭdar pa Kijeŭščynie. Usiaho supraćpavietranaj abaronaj było źniščana vosiem pavietranych celaŭ, jakija lacieli ŭ napramku ŭkrainskaj stalicy pa balistyčnaj trajektoryi.

Čytajcie taksama:

WSJ: Ukraina nie zmoža pravieści novy nastup da 2025 hoda

«Ja vyrvaŭsia ź piekła». Ukrainski vajskoviec raspavioŭ Bi-bi-si pra bai za płacdarm na levym bierazie Dniapra

Zialenski kantaktuje z kamandujučymi USU ŭ abychod Załužnaha, što pieraškadžaje tamu kamandavać armijaj — UP

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?