Naprykancy śniežnia na Hrodzienščynie adbylisia dva žachlivyja zdareńni: kiroŭcy źbili piešachodaŭ, ale nie vyklikali dapamohu, a schavali svaich achviaraŭ, pakinuŭšy ich pamirać.

U pieršym vypadku piešachodu nievierahodna paščaściła — jon vyžyŭ. 19 śniežnia hrodzieniec źbiŭ mužčynu, jaki pierachodziŭ vulicu pa-za piešachodnym pierachodam. Zamiest taho, kab akazać dapamohu, jon advioz čałavieka na haradskuju pustku, dzie i kinuŭ pamirać. A 7-j ranicy niebaraku znajšoŭ vypadkovy minak, vyklikaŭ «chutkuju» i ŭ litaralnym sensie vyratavaŭ jaho žyćcio.

A voś u Karelickim rajonie najezd na 25-hadovuju žančynu ŭviečary 26 śniežnia skončyŭsia trahična. U maładoj maci zastalisia dzieci 4 i 6 hadoŭ. Źbiŭšy žančynu, 39-hadovy dziaciuk i jaho znajomy taksama nie stali vyklikać dapamohu. Jany adciahnuli žančynu ŭ ravok pry darozie i prysypali śnieham. Potym zacierusili śnieham i miesca zdareńnia.

Abodva vypadki abjadnoŭvaje scenar pavodzinaŭ kiroŭcaŭ u momant DTZ, a taksama toje, što abodvuch u rešcie rešt zatrymali. Možna nie sumniavacca, što jany buduć pakaranyja. Adroźnivaje hetyja trahiedyi toj fakt, što karelicki kiroŭca byŭ mocna pjany, kali najechaŭ na žančynu. I voś tut u čarhovy raz paŭstaje pytańnie — što moža prymusić zadumacca inšych amataraŭ «pjanaj» jazdy? Za minułyja vychodnyja ŭ krainie byli zatrymany 444 niećviarozyja kiroŭcy. A kolki nie spynili? Što ž pahražaje niećviarozamu kiroŭcu ŭ vypadku zatrymańnia? Pieršy vypadak — mahčymaść (a mohuć i paškadavać!) pazbaŭleńnia pravoŭ na 3 hady, a taksama štraf ad 525000 da 1225000 rubloŭ. Kali niećviarozy kiroŭca nie maje pry sabie paśviedčańnia, to štraf składzie 1575000 rubloŭ. I tolki kiroŭcy, zatrymanyja niećviarozymi paŭtorna na praciahu hoda pryciahvajucca da kryminalnaj adkaznaści. Sumy štrafaŭ niemałyja pa biełaruskich mierkach, ale jany vidavočna nie ŭpłyvajuć na strašnuju statystyku. Sumnaja praktyka biaźlitasna ćvierdzić – pazbaŭleńnie pravoŭ zusim nie adbivaje achvoty ŭ pjanych aŭtaamataraŭ prajechacca ź vietrykam, dy jašče ŭ supravadžeńni eskortu DAI ź mihałkami i stralaninaj. Incydent z Proźvišča Ramana Mienciuk, jakoha ŭ sakaviku 2008 hoda spyniali z dapamohaj žyvoha ščyta, stała chadziačaj nazvaj dla tych, chto pjany i biez dakumientaŭ vyjazdžaje na darohu: u Małarycie zavioŭsia svoj Mianciuk, ščučynski mianciuk uciakaŭ ad DAIšnikaŭ pa sustrečnaj z chutkaściu 180 km/h, baranavicki Mianciuk…Navidavoku patreba ŭ bolš žorstkim i bieskampramisnym padychodzie da vyrašeńnia prablemy. I, jak vyhladaje, ni kanfiskacyja aŭto, ni pazbaŭleńnie pravoŭ užo nie spracoŭvaje. Niećviarozaja jazda musić razhladacca, jak zamach na zabojstva abo kalectva. Adpaviedna, takoje dziejańnie musić praduhledžvać adekvatnaje pakarańnie. I nijakich recydyvaŭ na praciahu hodu. 25-hadovaj maci z Kareliččyny chapiła i adnaho vypadku.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?