Forvard Vital Bułyha, jakomu 12 studzienia spoŭnicca 30 hadoŭ, pakidaje BATE.

Pavodle źviestak sajta barysaŭskaha futbolnaha kłuba, u spartsmiena zakančvajecca kantrakt, zaklučany da kanca hoda, i pa ŭzajemnaj damoŭlenaści pamiž kłubam i hulcom «pryniata rašeńnie ab spynieńni supracoŭnictva». Staŭšy svabodnym ahientam, Bułyha atrymaje prava zajmacca pytańniami svajho dalejšaha pracaŭładkavańnia.

U minułym siezonie Bułyha pravioŭ za BATE 15 matčaŭ i zabiŭ dva miačy (čempijanat krainy — 9/1, Kubak Biełarusi — 5/1, Liha Jeŭropy — 1/0). Zhulać bolš jamu nie dazvoliła surjoznaja traŭma, paśla jakoj była apieracyja i praciahłaje adnaŭleńnie.

U 2008 hodzie Bułyha hulaŭ za kłub «Łuč‑Enierhija» (Uładzivastok). Paśla pierachodu ŭ BATE futbalist zajaviŭ: «Ja pryjšoŭ u hetu kamandu nie zarablać hrošy. Ja zarablaŭ hrošy ŭ Rasii. Ja pryjechaŭ prosta dapamahčy kamandzie i kab dla mianie byŭ šturšok pajechać u inšy kłub».

Bułyha — druhi futbalist, jaki pakinuŭ BATE padčas hetaj mižsiezonnaści.

22 śniežnia kantrakt na 3,5 hady zaklučyŭ z polskim «Lecham» 23‑hadovy paŭabaronca Siarhiej Kryviec.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?