Sabraž Sabrage

Skryn videa: howtodrink / YouTube

Technika pryjšła z Francyi. Jašče ŭ časy Napaleona husary z dapamohaj šabli źbivali korak z butelki šampanskaha. Słova «šabla» dała nazvu hetaj technicy — «sabraž» (sabrage). Ciapier isnuje navat śpiecyjalnyja instrumient, jaki nahadvaje vialiki nož. Ale jaho z pośpiecham zamienić luby nož z doŭhim lazom. Abaviazkovaja ŭmova — dla «adkarkoŭvańnia» vykarystoŭvajecca tupy bok.

Jak pravilna zrabić

Śpiecyjalisty rekamiendujuć pierad tym, jak sprabavać adkarkavać šampanskaje, dobra jaho achaładzić. Čym ciaplejšaja butelka, tym bolšaja vierahodnaść taho, što jana razarviecca.

Źnimicie folhu z rylca i asłabcie ci źnimicie całkam miuźle (drot na korku).

Sabraž Sabrage

Fota: 2oceansvibe.com

Zatym uvažliva ahledźcie korpus butelki. Pośpiech adkarkoŭvańnia zaležyć ad pravilnaha vybaru miesca naniasieńnia ŭdaru. Na butelcy jość švy — kala rylca i z dvuch bakoŭ pa ŭsim korpusie.

Dla ŭdaru treba vybrać miesca, u jakim jany sychodziacca pad rylcam. Pry ahladzie pamiatajcie pra techniku biaśpieki! Korak u butelcy ničoha nie trymaje i jon moža vystralić. 

Paviarnicie butelku tak, kab švo było naviersie. Pakładzicie butelku na ruku i trymajcie pad vuhłom 30-45 hradusaŭ. Vialiki palec ustaŭcie ŭ donca. Takim čynam vy zabiaśpiečycie nadziejny chvat butelki.

Niekalki razoŭ pavadzicie tupym bokam naža pa švu butelki ad siabie da rylca. Takim čynam vy jak by prymiervajeciesia dla naniasieńnia vyrašalnaha ŭdaru. Zatym rezkim rucham (biez zamachu i biez nachiłu naža) naniasicie ŭdar pa miescy sudakranańnia švoŭ pad rylcam, jak by vypichvajučy korak.

Kali nie atrymałasia, pasprabujcie jašče raz. Kali vy ŭsio zrabili pravilna, to rylca razam z korkam adlacić ubok, a na butelcy zastaniecca roŭny skoł.

Źviartajem uvahu, što apisany sposab — dastatkova niebiaśpiečny i patrabuje peŭnaha sprytu. Vy možacie nanieści škodu jak sabie, tak i navakolnym.

Tamu pastarajciesia, kab padčas vašaha ekśpierymientu na šlachu mierkavanaha vyletu probki nie było ni ludziej (źviarnicie ŭvahu na tych, chto imkniecca vas zdymać), ni žyvioł, ni kaštoŭnych pradmietaŭ. I ni ŭ jakim razie nie picie z butelki paśla adkryćcia!

Taksama ni ŭ jakim razie nie vybirajcie dla svajho ekśpierymientu bałkon. A paśla sabražu adrazu źbiarycie ŭsie askołki.

Sabraž Sabrage

Fota: Wikimedia Commons

Zyčym, kab u vas usio atrymałasia i emocyi ad sabražu byli tolki stanoŭčymi!

Čytajcie jašče:

Kolki možna źjeści mandarynak, kab nie stała błaha

Niejrapsichołah raskazaŭ ab karyści hultajstva na Novy hod

Sieladziec ź ihrušami, žuravinami, jabłykami i sielderejem — alternatyva «šubie». Recept

Клас
3
Панылы сорам
1
Ха-ха
5
Ого
3
Сумна
2
Абуральна
4

Chočaš padzialicca važnaj infarmacyjaj ananimna i kanfidencyjna?