Vyjavy Pucina na navahodnich zvarotach 2022 i 2024 hoda, jakija Valeryj Sałaviej apublikavaŭ u svaim telehram-kanale z podpisam «Uhledźcie roźnicu!».

Vyjavy Pucina na navahodnich zvarotach 2022 i 2024 hoda, jakija Valeryj Sałaviej apublikavaŭ u svaim telehram-kanale z podpisam «Uhledźcie roźnicu!».

Rasijski palitołah Valeryj Sałaviej padzialiŭsia novymi viersijami datyčna dvajnikoŭ Uładzimira Pucina.

Jon zajaviŭ, što na niadaŭnim navahodnim zvarocie Pucina byŭ zusim nie Pucin, a Jaŭhien Vasiljevič, ciaślar ź Biełarusi.

«Čamu navahodniaje vinšavańnie Pucina było takim karotkim? A dla taho, kab vy nie pryhladalisia da źniešnaści i nie prysłuchoŭvalisia da hołasu taho čałavieka, jaki vystupaŭ zamiest Pucina.

Imia hetaha dvajnika Pucina — Jaŭhien Vasiljevič, jon rodam ź Biełarusi. Tak, rodam ź Biełarusi, Jaŭhien Vasiljevič, ciaślar 4-ha razradu. Čystaja praŭda», — zapeŭnivaje biez sarkazmu Valeryj Sałaviej u svaim jutub-kanale.

Svaje śćvierdžańni palitołah supravadziŭ paraŭnalnym videa dvuch navahodnich vinšavańniaŭ Pucina za 2022 i 2024 hod. Sałaviej zajaviŭ, što paśla ich prahladu «jamu napisała šmat ludziej i pryznała, što toj całkam maje racyju».

Proźvišča Jaŭhiena Vasiljeviča palitołah pry hetym nie nazvaŭ.

U dadatak da hetaha Sałaviej zajaviŭ, što jašče ŭ kancy kastryčnika «rasijskija elity i hrupoŭki» damovilisia, što na vybary prezidenta Rasii pad vyhladam Pucina pojdzie mienavita biełaruski ciaślar Jaŭhien Vasiljevič.

Paśla pieramohi jon, pavodle Sałaŭja, sfarmuje novy kabiniet ministraŭ na čale z sakratarom Rady biaśpieki Rasii Mikałajem Patrušavym, a zatym całkam pieradaść uładu jamu i raspuścić uvieś kabiniet da kanca 2024 hoda.

Valeryj Sałaviej, administratar telehram-kanałaŭ «Hienierał SVR» i «D-r Sołoviej». Skrynšot videa jaho jutub-kanała

Valeryj Sałaviej, administratar telehram-kanałaŭ «Hienierał SVR» i «D-r Sołoviej». Skrynšot videa jaho jutub-kanała

Valeryj Sałaviej viadomy svaimi kanśpirałahičnymi teoryjami. Nahadajem, što ŭ kancy kastryčnika jon zapuściŭ čutku pra śmierć Pucina. Jon paviedamiŭ, što kiraŭnik Rasii pamior, jaho cieła lažyć u chaładzilniku, ale pra śmierć prezidenta Rasii budzie paviedamlena paźniej.

Potym Sałaviej pryznaŭ, što prydumaŭ hetuju historyju, kab «dać akno mahčymaściaŭ rasijskaj apazicyi dla pieramien i napirać na fakt nielehitymnaści vybaraŭ dvajnika ŭ sakaviku 2024 hoda».

Čytajcie taksama:

Ci mohuć u Łukašenki być dvajniki? Razvažajuć ekśpierty

Pa ŭsioj Rasii ŭzbuntavalisia razumnyja hirlandy — pišuć «Słava Ukrainie» i padvodziać haspadaroŭ pad sud

CHAMAS «uziaŭ u pałon» Viktara Miedźviedčuka

Клас
7
Панылы сорам
28
Ха-ха
59
Ого
5
Сумна
5
Абуральна
13