U 2010 hodzie budzie zabiaśpiečana stabilnaść kursu nacyjanalnaj valuty, zajaviŭ 29 śniežnia na pasiadžeńni prezidyuma Savieta ministraŭ kiraŭnik Nacyjanalnaha banka Piotr Prakapovič.

Jon nahadaŭ, što ŭkazam prezidenta vahańni kursu biełaruskaha rubla da košyka valut zaćvierdžany na 2010 hod u miežach kalidora plus‑minus 10%. Adnak, pavodle słoŭ Prakapoviča, «heta krajni pakazčyk. U realnym žyćci my nie pavinny vyjści na hetyja paramietry». Pa dynamicy kursu «my pavinny pracavać jak siońnia», dadaŭ kiraŭnik Nacbanka.

Prakapovič padkreśliŭ, što ŭ śniežni kurs rubla da košyka valut praktyčna nie mianiaŭsia.

Stabilnaść kursu rubla, jakaja čakajecca ŭ nastupnym hodzie, abumoŭlena ekanamičnymi pieradumovami.

U pryvatnaści, Prakapovič adznačyŭ, što ŭ druhoj pałovie hoda vyručka ad ekspartu pavialičyłasia da ŭzroŭniu pieršaha paŭhodździa amal u 1,5 razu. «Heta dobry začyn dla padtrymańnia stabilnaha kursu nacyjanalnaj valuty», — padkreśliŭ kiraŭnik Nacbanka.

Druhim faktaram źjaŭlajecca rost zołatavalutnych reziervaŭ. «Kali na pačatak hoda ŭ nas było zołatavalutnych reziervaŭ 3 młrd. 65 młn. dalaraŭ, to siońnia ich abjom vyras u 1,8 razu — da 5 młrd. 440 młn. dalaraŭ», — kanstatavaŭ Prakapovič.

Takim čynam, «stabilnaść nacyjanalnaj valuty budzie zabiaśpiečana», padkreśliŭ kiraŭnik Nacbanka. Akramia taho, «stvorana asnova dla stabilnaj pracy ekanomiki ŭ nastupnym hodzie», dadaŭ jon.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?