Biełarusy atrymali šaniec na viartańnie ŭ Jeŭropu, ale pakul nie majuć naležanych harantyjaŭ dla hetaha, ličyć palityk.

Samaj značnaj padziejaj 2009 hodu było dałučeńnie Biełarusi da prahramy Jeŭrapiejskaha partniorstva, — ličyć lider Ruchu za Svabodu Alaksandr Milinkievič. Biełarusy ŭ litaralnym sensie trapili ŭ apošni vahon hetaha ciahnika.

Pryhadvajučy svaje apošnija sustrečy z žycharami rehijonaŭ, Milinkievič kaža, što prostyja biełarusy viedajuć pra jeŭrapiejskija pierśpiektyvy našaj krainy, jakija źjavilisia dziakujučy apošniamu zbližeńniu z Zachadam. Vykazvajuć ludzi i niezadavolenaść uładaj, a mienavita — nastupam na asabistyja svabody i hodnaść.

Ale supraciŭ hety ŭnutrany, nieaktyŭny.

«Naša zadača — adukoŭvać ludziej, vučyć ich baranić ułasnyja pravy, pazbaŭlacca strachu. I, kaniečnie ž, kazać pra jeŭrapiejskija šlachi raźvićcia krainy», — dzielicca płanami na nastupny hod lider Ruchu. Tym bolš, što Biełaruś pakul što atrymała tolki šaniec, harantyjaŭ zamacavańnia pośpiechu pakul niama, i ŭ hetym usio zaležyć najpierš ad nas samich. Kaža jon i pra sustrečy ź jeŭrapiejskimi palitykami. Dla mianie było dziŭna, kali francuzy, niemcy, anhielcy kazali, što Biełaruś siarod inšych siabroŭ prahramy Jeŭrapiejskaha partniorstva hladzicca ci nie najbolš prezientabielna, havoryć Milinkievič. Pa jaho słovach, jeŭrapiejcy vysoka acanili dziejnaść biełaruskaha MZS i ŭradu. Zasłužyła dobrych słovaŭ i biełaruskaja ekanomika. «My pryvykli nadzvyčaj krytyčna hladzieć na našu ŭładu, ale jana zdolnaja ździŭlać i pryjemna», — miarkuje Milinkievič.

U krasaviku 2010 hodu siabry Ruchu za Svabodu płanujuć pryniać aktyŭny ŭdzieł u vybarach u miascovyja saviety. Tut ruchaŭcy robiać staŭku na maładość i jakaść — na vybary pa mahčymaści adpraviać samych talenavitych i adukavanych.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?