Skrynšot ź videa

Skrynšot ź videa

Śpis ukrainskich vajennapałonnych Kadyraŭ pieradaŭ byłomu amierykanskamu raźviedčyku Skotu Ryteru, jaki prybyŭ u Hrozny, paviedamlajuć «RIA Novosti».

Prapanova była vykazanaja padčas šychtavańnia kadyraŭskich siłavych padraździaleńniaŭ, padčas jakoha pakazali i pałonnych. Niekatorych ź ich prymusili asabista prasić z ekrana manitora pra admienu sankcyj suprać kadyraŭskaj siamji i jahonych žyvioł dy srodkaŭ pieramiaščeńnia.

«U nas jość pałonnyja, jakich my zabrali ŭ Daniecku, Łuhansku. Ja pieradaju (śpis) našamu hościu… kali jany zdymuć sankcyi z majoj mamy, z dačok i ni ŭ čym nie vinavatych ludziej, koniej… to my hetych ludziej addamo», — zajaviŭ Kadyraŭ.

Raniej u sankcyjny śpis trapili vierahodnyja žonki Kadyrava (tak miarkuje Minfin ZŠA) — Miedni Kadyrava, Facima Chazujeva i Aminat Achmadava. Taksama abmiežavańni ŭviali suprać dačok Kadyrava Ajšat, Karyny i Tabaryk, doma mody Ajšat Kadyravaj Firdaws i Turpał-Ali Ibrahimava, stryječnaha brata kiraŭnika Čačni.

Čytajcie taksama:

Kadyraŭ publična paškadavaŭ, što jahony syn nie zabiŭ čałavieka ŭ SIZA

«Maje nieabchodnyja zdolnaści i navyki». 16-hadovaha syna Ramzana Kadyrava pryznačyli «kurataram» bataljona Minabarony Rasii

«Honar Ajčyny». Troch synoŭ Ramzana Kadyrava ŭznaharodzili najvyšejšym ordenam parłamienta rehijona

Клас
3
Панылы сорам
2
Ха-ха
5
Ого
0
Сумна
0
Абуральна
12