U adpaviednasci z 32‑hadovym zaraastryjskim kalendarom, u nadychodnym hodzie nas budzie apiakać simvaličnaja Čarapacha. Jaje ŭładarstva raspačniecca 21 sakavika 2010 hoda i praciahniecca da 20 sakavika 2011 hoda.

Zaraastryjski kalandar zasnavany na 32‑hadovym abaračenni Saturna (płaniety, jakaja ŭ astrałohii «adkazvaje» za ŭnutrany stryžań asoby). Hety haraskop adlustroŭvaje ŭnutranuju sutnaść čałavieka, jaho psichałahičny typ. Zhodna z zaraastryjskaj tradycyjaj, kožny hod 32‑hadovaha cykła maje svoj tatem — simvaličnuju žyviołu, jakaja ŭvasablaje ŭsie stanoŭčyja jakasci, jakija čałaviek, narodžany ŭ jaje hod, pavinien «napracavać» na praciahu žyćcia. Tatem moža padkazać kožnamu z nas, što treba rabić, kab być dastojnym svajho pryznačeńnia. Kožnamu z 32 typaŭ asoby akramia tatema adpaviadaje i antytatem (uvasableńnie admoŭnych jakaściaŭ, charakternych dla peŭnaha typu asoby). Šlacham raboty nad saboj i pazbaŭleńnia ad niehatyŭnych jakaściaŭ svajho antytatema čałaviek napaŭniajecca žyćciovaj harmonijaj.

Zaraastryjski kalandarny novy hod pačynajecca ŭ dzień viesnavoha raŭnadzienstva. Toj, chto naradziŭsia ŭ lutym—pačatku sakavika, znachodzicca pad upłyvam abodvuch tatemnych žyvioł.

Zaraastryjskija žracy ličyli, što Čarapacha słužyć bohu padziemnaha carstva Zem, zachavalnika skarbaŭ, karysnych vykapniaŭ, rudnikoŭ. Zem jašče adkazvaje za lasy, pali, raŭniny, hory, tamu ŭ hod Čarapachi dobra budzie asvojvać novyja ziemli, akulturvać staryja, realizoŭvać ekałahičnyja prahramy. Heta hod adkryćcia novych tajnaŭ ziamli. Ale razam z tym — hod ziemlatrusaŭ, apoŭźniaŭ, łavinaŭ, hod abudžeńnia vułkanaŭ.

Čarapacha — mocnaja i mudraja, marudlivaja, paśladoŭnaja ŭ svaich mierkavańniach, aściarožnaja ŭ rašeńniach, upeŭnienaja ŭ dziejańniach, idzie svajoj prataptanaj darohaj. Jaje pryncyp — stabilnaść i pastajanstva, jaje deviz — «Śpiašajsia pavolna!»

Čarapacha ŭvasablaje Suśviet. Jaje pancyr źvierchu kruhły i vypukły, jak niabiesny kupał, a znizu — płoski i roŭny, jak ziamla. Z Čarapachaj źviazvajuć pačatak tvareńnia — jaje zdolnaść całkam schavacca ŭ svoj pancyr aznačaje hłybinnuju kancentracyju, viartańnie ŭ pieršasny stan. A jaje viadomaje daŭhalećcie simvalizuje biaśśmiercie.

Ludziam, narodžanym u hod Čarapachi (1914, 1946, 1978), rekamiendavana časovaje adasableńnie, adzinota. Dla vas heta hod samaanalizu, pieraacenki kaštoŭnaściaŭ. U svoj hod varta admovicca ad aktyŭnaha sacyjalnaha žyćcia, pazbavicca ad lišnich kłopataŭ, nie raspylacca pa drobiaziach, kab nie rastracić nazapašany za 32‑hadovy cykł enierhietyčny patencyjał, a skancentravać jaho dla budučych spraŭ i pamknieńniaŭ. Heta hod viartańnia da pieršasnaj kropki i znachodžańnia siabie nanoŭ.

Dla narodžanych pad tatemami Babra (1913, 1945, 1977) i Saroki (1915, 1947, 1979) nadychodny hod stanie časam materyjalnaha i sacyjalnaha ŭmacavańnia. Vaša zadača — naładžvańnie dziełavych suviaziaŭ, umacavańnie finansavaha stanovišča, stvareńnie tryvałaha žyćciovaha fundamienta. Pry hetym Sarocy pryjdziecca jak śled pamitusicca, va ŭsich spravach prajavić aktyŭnaść i vynachodlivaść. A Babra čakaje adpłata za toje, što było zroblena raniej; kožnamu — pa jaho spravach. U toj ža čas heta pieryjad viartańnia ziamnych daŭhoŭ — čym bolš ščodrymi vy siabie prajavicie, tym bolš pazityvu atrymajecie ad Niabiosaŭ.

Narodžanych u hod Źmiai (1912, 1944, 1976) i Vaviorki (1916, 1948, 1980) čakajuć ciažkasci. Nie varta zajmacca vyrašeńniem materyjalnych prablem — z partniorami vierahodnyja sprečki, u spravach — nieparazumieńnie. Źmiejam navakolnyja nahadajuć usie ich minułyja pamyłki, a Vaviorki sami buduć stvarać sabie niepryjemnasci. Hod vydatna padychodzić dla duchoŭnych pošukaŭ, dla afarmleńnia tvorčych płanaŭ i realizacyi siabie praz chobi, dla abjadnańnia vakoł siabie asobaŭ, blizkich pa duchu. Paźbiahajcie kardynalnych pieramien — vialikaja ryzyka pamylicca ŭ vybary, dla vas heta hod padmannych, iłžyvych daroh.

Krytyčnym moža stać nadychodny hod dla narodžanych u hady Pavuka (1911, 1943, 1975, 2007) i Krumkača (1917, 1949, 1981). Im daviadziecca sutyknucca ź niespraviadlivaściu, baraćboj i supiernictvam. Pry hetym Krumkačy buduć sami vystupać inicyjatarami sprečak, siejać u adnosinach chaos, a Pavuki stanuć achviarami, uciahnutymi ŭ kanflikty. Uznaharoda mahčyma tolki jak vynik z honaram projdzienych vyprabavańniaŭ.

Dla narodžanych ŭ hady Busła (1910, 1942, 1974, 2006) i Pieŭnia (1918, 1950, 1982) nastaje pieryjad spakoju i harmonii. Možacie različvać na dapamohu i padtrymku, na znajomstva ź ludźmi, jakija pojduć z vami ruka ab ruku pa žycci. Pry hetym Busłam dapamohu akažuć staryja znajomyja, a Pieŭniam — novyja.

Hod surjoznaj raboty, umacavańnia aŭtarytetu, viartańnia karmičnych daŭhoŭ socyumu nadychodzić dla narodžanych u hod Vaŭka (1909, 1941, 1973, 2005) i Byka (1919, 1951, 1983). Vas čakajuć spravy, jakija vy abaviazany vykanać, — pa ich vas aceniać u nastupnym. Kali aŭtarytet Vaŭka budzie rasci za košt minułych zasłuh, to Byku daviadziecca adstojvać svaje pazicyi nanoŭ. Hałoŭnaje — ciarpieńnie i stojkaść!

Dysharmaničnym akažacca 2010‑y dla ludziej, narodžanych u hady Manhusta (1908, 1940, 1972, 2004) i Barsuka (1920, 1952 i 1984). Ich čakajuć ciažkija vyprabavanni i baraćba. Ciažkasci, padmany, rasčaravanni buduć padpilnoŭvać vas na kožnym kroku. Pry hetym dla Barsukoŭ važna samim nie stvarać sabie pieraškod, a Manhustam varta navučycca pradbačyć i pieraadolvać pieraškody, stvoranyja inšymi. Abudzicie ŭ sabie duch voina — i vas čakaje ŭznaharoda!

Narodžanych u hady Hornaha barana (1907, 1939, 1971, 2003) i Viarbluda (1921, 1953, 1985) čakaje čas tajnaŭ. Padziei hetaha hoda padaducca vam mistyčnymi, mnohaje zastaniecca niezrazumiełym. Baranaŭ čakaje raskryćcio tajamnic, a Viarbludam pryadkryjecca budučynia. U lepšym vypadku hod budzie źviazany z unutranym ačyščeńniem i praśviatleńniem, dapamohaj i abaronaj anioła‑achoŭnika. Pastarajciesia zrazumieć tajamnicy novaha hoda i vy znojdziecie adkazy na šmatlikija pytanni svajho losu.

Dla tych, chto naradziŭsia ŭ hady Alenia (1906, 1938, 1970, 2002) i Vožyka (1922, 1954, 1986), nastaje adzin z samych ščaslivych pieryjadaŭ. Heta čas stabilnasci, harmonii, udačy. Hod, kali zmožacie pakazać, na što vy zdolnyja, zaviesci siabroŭ i dziełavych partnioraŭ. Aleniaŭ čakaje vysokaja acenka ich minułych zasłuh, sajuznikami i pamočnikami Vožykaŭ stanuć asabistaja aktyŭnaść i inicyjatyva.

Ciažki pieryjad nastaje dla narodžanych u hady Sokała (1905, 1937, 1969, 2001) i Łani (1923, 1955, 1987). Vašy vyprabavanni buduć źviazany ź dziejnaściu tajnych vorahaŭ, schavanymi intryhami i ŭdarami ŭ spinu. Sokałaŭ mohuć padviesci staryja znajomyja, jakija zachočuć adpomscić za staruju kryŭdu. A Łani sami vystupiać zbrojaj pomsty. Adnak, jak by ciažka ni skłalisia abstaviny, nie sprabujcie pomscić — pryjdzie čas i kožny atrymaje pa zasłuhach!

Dla narodžanych pad tatemam Puhača (1904,1936, 1968, 2000) i Słana (1924, 1956, 1988) nadychodzić čas kanstruktyŭnaj dziejnasci, prafiesijnaj realizacyi, prasoŭvańnia pa słužbie. Heta spryjalny pieryjad dla ažyćciaŭleńnia słavalubivych płanaŭ i karjernaha rostu. Słanam daviadziecca šmat papracavać samim, a Puhačoŭ čakaje padtrymka zastupnikaŭ.

Dla ludziej, narodžanych u hady Viepruka (1903, 1935, 1967, 1999) i Kania (1925, 1957, 1989), 2010‑y stanie samym niepradkazalnym va ŭsim kalandarnym cykle. Heta čas niepradbačanych padziej i niečakanych pavarotaŭ losu. Ličycca, što vam u hety hod možna isci ŭ «va‑bank» — albo ŭsio vyjhrajecie, albo ŭsio zhubicie. Kali ŭ Vieprukoŭ ruchavikom pieramien stanuć spravy minułych dzion, to Koni sami vyrašać pačać žyćcio nanoŭ, pierakresliŭšy minułaje.

Čas ciažkaha vybaru čakaje narodžanych u hady Delfina (1934, 1966, 1998) i Hieparda (1926, 1958, 1990). Hod supiarečlivy: vierahodna i strata ŭsich maraŭ i spadziavańniaŭ, i ich adradžeńnie. Vydatnyja spravy mohuć z treskam pravalicca, a harmaničnyja adnosiny pierarasci ŭ supraćstajańnie. I naadvarot: kali, zdavałasia b, usio rušycca, raptam situacyja pačynaje niečakana naładžvacca. Ale ŭsio zaŭsiody budzie zaležać vyklučna ad vas i vašaj asabistaj pazicyi. «Nie vier vačam svaim — usio źmianiajecca!» — vaš deviz na nastupny hod.

Dla ludziej, narodžanych u hady Lisicy (1933, 1965, 1997) i Paŭlina (1927, 1959, 1991), nadychodny hod prajasnić šmat zabłytanych situacyj z minułaha. Heta hod adpłaty — kožny atrymaje toje, što zasłužyŭ. Čas aktyvizacyi faktaraŭ Roku (dobrych ci admoŭnych — zaležyć ad zroblenaha vami raniej). Kali Lisic čakaje adpłata za spravy minułyja, to Paŭlinaŭ — zakładka fundamienta pad budučyniu.

Niezrazumiełym moža padacca hod tym, chto naradziŭsia pad tatemami Arła (1932, 1964, 1996) i Lebiedzia (1928, 1960, 1992). Mnohaje budzie adbyvacca jak by nasupierak vašaj voli, byccam niechta niabačny ŭmiešvajecca ŭ vaš los. Mistyka stanie supravadžać vas usiudy, adnak nie davodźcie siabie da viery ŭ zababony. Usie pieraŭtvarenni ŭ žycci Arłoŭ buduć źviazany z ich dalokim minułym, a ŭ Lebiedziaŭ — jak adpłata za ździejśnienaje imi ciapier. Vyšejšaja prajava hoda budzie źviazana z abudžeńniem charyzmy.

Časam novych duchoŭnych pošukaŭ i ŭśviadomlenaha vybaru viery (relihii, ideałohii) stanie 2010‑y dla tych, chto naradziŭsia ŭ hady Biełaha miadźviedzia (1931, 1963, 1995) i Rysi (1929, 1961, 1993). Ničoha nie adbyvajecca vypadkova ŭ taki hod, usiudy rasstaŭleny znaki, jakija pakazvajuć na pravilny šlach. Hod, kali treba šmat pracavać. Źviarnicie ŭvahu na tych, chto ciapier apyniecca pobač, — hetyja ludzi majuć z vami karmičnuju suviaź i lohka vam z imi nie razvitacca. Kali dla Rysiaŭ heta buduć novyja znajomyja, to Miadźviedziam daviadziecca sustrecca sa starymi znajomymi. Budźcie ŭvažlivymi: jany mohuć jak dapamahčy zrabić vybar, tak i pazbavić vas vybaru.

Dla narodžanych pad tatemam Asła (1930, 1962, 1994) nadychodny pieryjad stanie časam znachodžańnia harmonii i, mahčyma, druhoj pałavinki (muža, žonki, nadziejnaha siabra ci dziełavoha partniora). Hod Čarapachi źjaŭlajecca dla Asłoŭ lusterkam, jakoje dazvalaje ŭbačyć i acanić siabie nie zaŭziata.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?