Praces akcyjanavańnia nacyjanalnaha apieratara elektrasuviazi RUP «Biełtelekam» u raniej zapłanavanyja ŭradam terminy zavieršany nie budzie.

Pra heta 30 śniežnia na pres‑kanfierencyi ŭ Minsku paviedamiŭ hienieralny dyrektar «Biełtelekama» Kanstancin Cikar.

Nahadajem, pastanovaj urada №1256 ad 29 vieraśnia byli ŭniesieny źmieny ŭ płan akcyjanavańnia na 2009 hod. U adpaviednaści z hetym dakumientam respublikanskaje unitarnaje pradpryjemstva elektrasuviazi «Biełtelekam» pavinna być akcyjanavana da kanca 2009 hoda.

«Rašeńnie na praciahu troch miesiacaŭ pieravieści RUP «Biełtelekam» u akcyjaniernaje tavarystva fizična vykanać niemahčyma», — zajaviŭ Cikar.

Razam z tym hiendyrektar padkreśliŭ, što pastanovu Saŭmina nichto nie admianiaŭ i praces akcyjanavańnia praciahvajecca. «My ruchajemsia ŭ častcy vykanańnia standartnych pracedur akcyjanavańnia razam z Fondam dziaržmajomaści i inšymi arhanizacyjami, zadziejničanymi ŭ hetaj pracedury», — skazaŭ hiendyrektar.

Kanstacin Cikar padkreśliŭ, što zadača akcyjanavańnia «Biełtelekama» «nie vielmi prostaja».

U jaje miežach nieabchodna vyrašać jašče šerah śpiecyfičnych zadač, u tym liku źviazanych ź dziaržaŭnaj tajnaj.

Hienieralny dyrektar pradpryjemstva admoviŭsia nazvać aryjencirovačnyja terminy zaviaršeńnia pracesu pieraŭtvareńnia «Biełtelekama» ŭ akcyjaniernaje tavarystva. «Jak tolki stanie — vy adrazu daviedajeciesia», — skazaŭ Cikar.

***

«Biełtelekam» stvorany 3 lipienia 1995 hoda. Źjaŭlajecca pieršasnym interniet‑pravajderam u Biełarusi, ažyćciaŭlaje pieradaču źviestak pa kamutavanaj sietcy ahulnaha karystańnia, zabiaśpiečvaje dostup da mižnarodnych i biełaruskich resursaŭ internieta, pieradaje ŭ karystańnie mižnarodnyja ličbavyja patoki i kanały praktyčna luboj jomistaści, zabiaśpiečvaje roŭnyja ŭmovy pracy apierataraŭ mabilnaj suviazi Biełarusi šlacham padklučeńnia ich da mižnarodnaj stancyi, arhanizuje mižharodni i mižnarodny roŭminh.

Jak paviedamlałasia raniej, paśla zaviaršeńnia pracesu akcyjanavańnia «Biełtelekama» ŭsie akcyi pradpryjemstva pieršym časam miarkujecca zachavać u dziaržavy.

U 2009 hodzie zapłanavana akcyjanavać bolš jak 200 pradpryjemstvaŭ. Siarod ich — Minski zavod kołavych ciahačoŭ, pradpryjemstvy «Viciaź», «Ahat‑Sistem», «Inkatech», instytut «Biełdziaržprajekt».

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?