Ciapierašni vyhlad kolašniaha KPP «Čarli».

Ciapierašni vyhlad kolašniaha KPP «Čarli».

Tolki ciapier, 20 hadoŭ paśla padzieńnia Bierlinskaha Muru, možna z upeŭnienaściu skazać, što zabity apošni ćvik u trunu kamunizmu savieckaha ŭzoru: sietka zakusačnych «Makdonalds» maje adkryć filijał na samym viadomym KPP pamiž dvuma Bierlinami, pierachodzie «Čarli».

Brytanskaja hazieta «Tajms» paviedamlaje, što novy filijał «Makdonaldsu» paŭstanie prosta nasuprać Muzieja bierlinskaha Muru. Charčovaja sietka, jakaja daŭno zrabiłasia chadziačaj nazvaj dla amierykanskaha kapitalizmu, paprasiła i atrymała dazvoł adkryć tam svaju zakusačnuju.

Prapuskny punkt, jaki amierykanskija žaŭniery achreścili «Čarli», byŭ adny z samych važnych pierachodaŭ pamiž Zachodnim i Uschodnim Bierlinam z časoŭ padziełu horadu ŭ 1961 hodzie i ažno da ŭračystaha ŭźjadnańnia ŭ 1989. U apošnija hady na miescy KPP i navokał bujaie handal, raźličany najpierš na turystaŭ: adčyniŭsia šmat kramaŭ i suvienirnych šapikaŭ, a pa vulicy chodziać miascovyja, pieraapranutyja ŭ savieckich i amierykanskich žaŭnieraŭ časoŭ chałodnaha procistajańnia, prapanujučy minakam źniacca za hrošy. Dziela macniejšaha efiektu tut uznoŭlenyja kolki šłahbaum i vartavaja budka, a taksama šylda z histaryčnym nadpisami «Vy ŭjechali ŭ amierykanskuju zonu».

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?