Vyjšaŭ adryŭny kalandar «Rodny kraj» na 2010 hod, jaki na svaich staronkach paznačaje važnyja dla krainy padziei i vyłučaje jubilei vybitnych asobaŭ.
Sioleta ŭ afarmleńni kalendara stvaralniki adstupilisia ad tradycyjnych arnamientaŭ, i vyjavili ptušačak, chiba vytrymanych u nacyjanalnaj bieła-čyrvonaj palitry.

Nahadajem, što ŭ 2007 hodzie vydaviectva «Biełaruś» admoviłasia ad druku kalendara z ekanamičnych pryčynaŭ. Tady hałoŭny redaktar vydaviectva Jakub Alaksiejčyk paviedamiŭ, što «Rodny kraj» kiepska pradajecca. Telefanavańni ŭ kniharni vyśvietlili, što kalandar karystajecca popytam ŭ pakupnikoŭ. Nie biez dapamohi «Tavarystva biełaruskaj movy imia Franciška Skaryny» (jany rabili šmatlikija zvaroty) letaś vypusk adryŭnoha kalendara «Rodny kraj» byŭ adnoŭleny, dy jon byŭ apublikavany z nakładam 7 tysiačaŭ asobnikaŭ.

Sioletni ž tyraž vyras amal udvaja: 13 tysiačaŭ asobnikaŭ, jakija možna nabyć ci nie ŭ luboj kniharni za absalutna śmiešnuju canu — 2 800 rub.

Varta nahadać, što pryhožyja biełaruskamoŭnyja kalendary na 2010 hod vypuścili taksama niezaležnyja knihary i Hreka-katalickaja carkva. Pieršyja pryśviacili kalandar 600-hodździu Hrunvalda. A ŭnijaty — Maci Božaj Žyrovickaj i cerkvam, pravasłaŭnym i katalickim, u jakich jość kopii hetaha abraza. Abodva kalendary pytajciesia ŭ internet-kniharniach Prastora.by i Knihi.net, a taksama na knižnym kirmašy na Janki Kupały i ŭ niezaležnych knihanošaŭ.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?