Pažar adbyŭsia 30 śniežnia prykładna ŭ 17.30 u kvatery na piatym paviersie dzieviacipaviarchovaha doma pa vulicy Rečyckaja šaša.

Susiedzi adčuli pach dymu, padyšli da kvatery, pastukali, dźviery byli niezačynienyja. Kali ŭvajšli ŭ pamiaškańnie, ubačyli mužčynu 1944 hoda naradžeńnia, jaki lažaŭ na paścieli, pad im hareŭ matrac. Mužčynu vyvieli na placoŭku i pieradali bryhadzie chutkaj dapamohi. Ad prytoku pavietra ŭ kvatery pačaŭsia mocny pažar, u vyniku jakoha zhareli try pakoi. Supracoŭniki MNS evakujavali kala 30 čałaviek — žycharoŭ doma. U kvatery, dzie byŭ pažar, ratavalniki znajšli trup maładoj žančyny 1978 hoda naradžeńnia, dački haspadara.

Padčas evakuacyi žycharoŭ doma na placoŭcy vośmaha paviercha ratavalniki znajšli dziaŭčynu 1991 hoda naradžeńnia z prykmietami atručeńnia praduktami hareńnia, jaje pieradali miedykam, jakija kanstatavali śmierć. Padčas pravierki ŭstanoŭlena, što dziaŭčyna, navučenka PTV, u dzień pažaru piła piva ź siabroŭkami na placoŭcy dzieviataha paviercha hetaha doma. Kali ŭ padjeździe pačałosia zadymleńnie, dziaŭčaty spuścilisia na niekalki pavierchaŭ nižej, kab pahladzieć, što adbyvajecca.

Ale na šostym paviersie było mocnaje zadymleńnie, i dziaŭčaty vyrašyli padniacca nazad na dzieviaty pavierch. Kali viarnulisia tudy, ubačyli, što zhubili svaju siabroŭku.

Zhodna z papiaredniaj viersijaj, vinavatyja ŭ pažary znachodzilisia ŭ stanie ałkaholnaha apjanieńnia.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?