Partyja praviała admysłovuju pres-kanfierencyju, napačatku jakoj Anatol Labiedźka zajaviŭ, što «My chacieli b pačać novy hod z aśviatleńnia našych płanaŭ i pastaŭlenych zadač».

U 2010 hodzie AHP budzie nastojvać na abjadnańni apazicyi – hety trend pavinien być hałoŭnym pavodle lideraŭ partyi. Taksama AHP źbirajecca zmahacca za toje, kab pierajści barjer u 25-30% hramadzian, hatovych padtrymlivać praciŭnika Łukašenki. Jak vykazaŭsia Anatol Labiedźka, «my pavinny vyjści z hetaha deamkratyčnaha hieta».

Asnoŭnymi temami pracy ŭ 2010 hodzie dla AHP zastanucca raźvićcio pradprymalnictva, prasoŭvańnie antykryzisnaj płatformy i moładzievaja tematyka. Da ich płanujecca dadać adukacyju i achovu zdaroŭja. AHP taksama raspracavała novuju kampaniju pad nazvaj «Nie ŭkradzi», što pavinna pašyrać siarod hramadstva ekanamičnuju hramatnaść, a taksama sačyć za abaronaj pravoŭ inviestaraŭ i akcyjanieraŭ.

Havoračy pra ŭdzieł partyi ŭ miascovych vybarach, A.Labiedźka zajaviŭ pra namier vyłučyć ad 150 da 300 kandydataŭ, a taksama pravodzić tak zvanyja «kropkavyja prajmieryz».

Hałoŭnymi mierapryjemstvami dla AHP u novym hodzie maje stać źjezd, jaki projdzie 21 sakavika, i kanfierencyi, pryśviečanyja biełaruska-rasijskim adnosinam i «Uschodniamu partniorstvu».

Na 20-23 studzienia zapłanavany ŭdzieł adnaho ź lideraŭ AHP Jarasłava Ramančuka ŭ kanfierencyi, što arhanizavanaja ŭradam Rasii. Miarkujecca, što na joj Ja.Ramančuk pradstavić kramloŭskim kołam alternatyŭnaje aficyjnamu bačańnie biełaruska-rasijskich adnosinaŭ.

Aceńvajučy novy syravinny kanflikt pamiž Maskvoj i Minskam, A.Labiodźka adznačyŭ, što AHP ličyć nieabchodnym pierazahruzić adnosiny Maskvy i Minska i mienavita hetamu budzie pryśviečany vystup Ja.Ramančuka ŭ rasijskaj stalicy.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?