Z 24 śniežnia pa 3 studzienia ad chaładavych traŭm u Biełarusi paciarpieli 145 čałaviek, špitalizavany — 68. Dyjahnaz «pieraachaładžeńnie» byŭ pastaŭleny 94 hramadzianam, «abmaražeńnie» — 51. 10 čałaviek zamierźli.

Pra heta na pres‑kanfierencyi 4 studzienia paviedamiŭ načalnik adździeła arhanizacyi miedycynskaj achovy pry nadzvyčajnych situacyjach Ministerstva achovy zdaroŭja Aleh Pančuk.

Hałalodnyja traŭmy atrymali 1.493 čałavieki, 109 ź ich špitalizavany.

U vyniku vykarystańnia piratechniki paciarpieli 15 hramadzian (hod tamu — 56), troje źmieščany ŭ balnicy z paražeńniem orhanaŭ zroku. Hetyja try niaščasnyja vypadki adbylisia ŭ Minsku.

Pavodle infarmacyi namieśnika staršyni kamiteta pa achovie zdaroŭja Minharvykankama Viktara Šeina, u stalicy za apošnija paŭtara tydni vypadkaŭ śmierci ad chaładavych traŭm nie było. Dyjahnaz «pieraachaładžeńnie» byŭ pastaŭleny siami hramadzianam, «abmaražeńnie» — šaściarym.

171 čałaviek u stalicy atrymaŭ hałalodnyja traŭmy, 12 z paciarpiełych špitalizavany.

Pavodle słoŭ Viktara Šeina, upieršyniu ŭ Minsku ŭ miescach praviadzieńnia masavych mierapryjemstvaŭ nie było zvarotaŭ pa miedycynskuju dapamohu.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?