Michaił Čačanioŭ na schodzie akcyjanieraŭ 3 studzienia zaćvierdžany na pasadzie hienieralnaha dyrektara AAT «Piŭzavod «Alivaryja», paviedamili na pradpryjemstvie.

Čačanioŭ pačaŭ pracavać na pradpryjemstvie 3 śniežnia 2007 hoda na pasadzie namieśnika hienieralnaha dyrektara pa vytvorčaści. Z 2 sakavika 2009 hoda Čačanioŭ vykonvaŭ abaviazki hienieralnaha dyrektara AAT «Piŭzavod «Alivaryja».

Da prychodu ŭ kampaniju Čačanioŭ na praciahu piaci hadoŭ zajmaŭ pasadu dyrektara pradpryjemstva «Viteła» — daččynaj kampanii niamieckaha kancerna Schwartau‑Hero ŭ Biełarusi. Dahetul jon pracavaŭ u kampanii Coca‑Cola na roznych pasadach, źviazanych z zabieśpiačeńniem techničnaha kiraŭnictva i kantrolu jakaści va Ukrainie, Biełarusi, Rasii.

Čačanioŭ — dypłamavany chimik, vypusknik Rastoŭskaha dziaržaŭnaha univiersiteta. Jon atrymaŭ dadatkovaje prafiesijnaje navučańnie ŭ Hiermanii ŭ halinie kiravańnia vytvorčaściu, paśpiachova skončyŭ Carlsberg Supply Chain Academy (kiravańnie kanałami pastavak).

Vice‑prezident hrupy kampanij Karłśbierh pa Uschodniaj Jeŭropie Anton Arciomjeŭ vykazaŭ nadzieju, što «najbahaciejšy dośvied» novaha hiendyrektara «pryniasie nieacennuju karyść» pradpryjemstvu.

***

«Alivaryja» źjaŭlajecca najstarejšym u Biełarusi vytvorcam piva. 29 studzienia pradpryjemstva adśviatkavała svajo 145‑hodździe. U mai 2008 hoda AAT «Piŭzavod «Alivaryja» stała častkaj mižnarodnaha kancerna Carlsberg A/S, jaki vykupiŭ dolu Baltic Beverages Holding. Na hety čas Carlsberg źjaŭlajecca stratehičnym inviestaram i adnym z hałoŭnych akcyjanieraŭ «Alivaryi».

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?