Pavodle papiarednich źviestak, u 2009 hodzie ŭ Biełarusi ŭ vyniku darožna‑transpartnych zdareńniaŭ zahinuŭ 1.291 čałaviek, paviedamiŭ na pres‑kanfierencyi 4 studzienia načalnik adździeła darožna‑patrulnaj słužby ŭpraŭleńnia DAI MUS Alaksandr Cahielnik.

Infarmacyja nosić papiaredni charaktar, bo ŭ balnicach u roznym stanie jašče znachodziacca paciarpiełyja ŭ letašnich DTZ.

Pakul ža ličycca, što kolkaść zahinułych u darožna‑transpartnych zdareńniach u 2009 hodzie ŭ paraŭnańni z 2008 hodam skaraciłasia na 273. Usiaho byli zarehistravany 6.634 DTZ z paciarpiełymi (na 604 mienš), u jakich traŭmy atrymali 7.069 čałaviek (na 507 mienš).

U 2009 hodzie ŭ darožna‑transpartnych zdareńniach zahinuła 49 dziaciej (u 2008 hodzie — 65), 604 dziciaci atrymali traŭmy (618).

Letaś było zarehistravana 931 DTZ z paciarpiełymi, jakija adbylisia pa vinie niećviarozych vadzicielaŭ, u 2008 — 1.012.

Za kiravańnie transpartnym srodkam u stanie ałkaholnaha apjanieńnia ŭ 2009 hodzie było zatrymana kala 54 tys. vadzicielaŭ.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?