Były hałoŭny trenier zbornaj Biełarusi pa futbole Anatol Bajdačny uznačaliŭ hroźnienski «Cierak»
, paviedamlaje «Sport-Ekspriess».

U minułym siezonie «Cierak» zaniaŭ dvanaccataje miesca ŭ rasijskaj Premjer‑lizie. Spačatku kłubam kiravaŭ ukrainski śpiecyjalist Viačasłaŭ Hrozny, ale jon padaŭ u adstaŭku nibyta praz stan zdaroŭja. Vykonvajučym abaviazki treniera byŭ pryznačany Šachin Dzinijeŭ, a dapamahaŭ jamu Bajdačny.

Praca ŭ vyšejšym rasijskim dyvizijonie dla Bajdačna nie ŭ navinku. Jon užo kiravaŭ sočynskaj «Žamčužynaj», novarasijskim «Čarnamorcam» i rastoŭski «Rostsielmaš».

Anatol Bajdačny naradziŭsia ŭ 1952 hodzie ŭ Maskvie, ale amal usio žyćcio pravioŭ u Biełarusi. U 1974 hodzie jon pierajechaŭ z maskoŭskaha «Dynama» ŭ minskaje. Hulniavuju karjeru futbalist byŭ vymušany skončyć u 27 hadoŭ praź ciažkuju traŭmu.

Trenierskuju karjeru Bajdačny pačynaŭ z mahiloŭskaha «Dniapra». Taksama pracavaŭ na Kipry, Siryi, Kuviejcie, Małdovie. Dvojčy ŭznačalvaŭ minskaje «Dynama».

Ad 2003 da 2005 treniravaŭ nacyjanalnuju zbornuju Biełarusi. Apošnim kłubam Bajdačnaha była ždanovickaja «Daryda».

Bajdačny budzie druhim biełaruskim trenieram u Premjer‑lizie. Nahadajem, što novasibirskuju «Sibir» treniruje Ihar Kryvušenka.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?