Kaho siońnia biełarusy chočuć bačyć prezidentam krainy i jakija najbolš ciažkija prablemy stajać pierad radzimaj, u vynikach apytańnia Niezaležnaha instytuta sacyjalna‑ekanamičnych i palityčnych daśledavańniaŭ.

Ekanamičny kryzis, jaki, pavodle słovaŭ Alaksandra Łukašenki, pavinien byŭ «nas zahartavać», staŭ prablemaj numar adzin dla bolšaści biełarusaŭ.

81,3% apytanych 2 śniežnia 2009 hoda ličyć, što biełaruskaja ekanomika znachodzicca ŭ kryzisie, pryčym dla 41,8% kryzis «adbivajecca samym surjoznym čynam na paŭsiadzionnym žyćci siamji». Naprykład, 28,7% na praciahu apošnich 12 miesiacaŭ sutykalisia z zatrymkaj vypłaty zarobku abo piensii (pryčym 19% — niekalki razoŭ albo štomiesiac), ad 54% da 61% respandentaŭ za hety ž pieryjad davodziłasia adkładać pakupku albo skaračać vydatki na nabyćcio vopratki, televizara albo kampjutara, pajezdku na adpačynak.

Najbolš vostraj prablemaj našaj krainy i jaje hramadzianaŭ bolšaść nazvali rost cen.

Kryzis vyjaviŭ i istotnyja źmieny, što adbylisia ŭ struktury biełaruskaha hramadstva za apošniaje dziesiacihodździe. Na dumku amal 40% apytanych ad kryzisu ŭ Biełarusi najbolš paciarpieli małazabiaśpiečanyja i biednyja. To bok tyja samyja «prostyja ludzi», jakija kaliści byli nadziejaj i apiryščam kiraŭnika dziaržavy. Tolki 3,3% skazali, što bolej za inšych paciarpieli rabotniki ŭładnych instytutaŭ, čynoŭniki.

Nie dziva, što značna bolš biełarusaŭ ličyć, što inšyja krainy lepiej viaduć baraćbu z ekanamičnym kryzisam, čym Biełaruś (42,1% vs 30,4%). A toje, što biełaruskaja ekanomika znachodzicca ŭ kryzisie, u značnaj albo poŭnaj miery ličać śledstvam ekanamičnaj palityki kiraŭnictva krainy apošnich hadoŭ (51,6%). Tamu, niahledziačy na badzioryja zapeŭnivańni ŭłady, zvyš pałovy nasielnictva (51,5%) čakajuć zakančeńnia kryzisu nie raniej, čym praz hod (a amal čverć — paśla 2011 h.).

Za kaho vy by prahałasavali?

U toj ža čas nie varta pieraaceńvać pratestny patencyjał hetych pačućciaŭ: kali b zaŭtra adbylisia vybary prezidenta Biełarusi,

42,5% respandentaŭ prahałasavali b za Łukašenku (za Milinkieviča — 4,3%, Kazulina — 2,4%), heta značyć, jaho elektaralnaja padtrymka viarnułasia na dakryzisny uzrovień (u vieraśni 2008 h. było 42,5%, a ŭ vieraśni 2009 h. — 39.4%).


Na pytańnie: «Kali ŭ Vašym horadzie (rajonie) adbuducca akcyi suprać paharšeńnia ekanamičnaha stanovišča, ci hatovyja Vy ŭziać u ich udzieł?» stanoŭčy adkaz dali 14,2%. Heta na 3,7% mienš, čym u sakaviku 2008 h. Kali ŭ śfiery ekanomiki taktyka «knuta i piernika», jakaja vykarystoŭvajecca ŭładami, užo daje adčuvalnyja zboi, to ŭ śfiery palityki zastajecca jašče dastatkova efiektyŭnaj.

Pra heta, u pryvatnaści, śviedčyć i dynamika staŭleńnia biełarusaŭ da budaŭnictva AES. Dva‑try hady tamu kolkaść tych, chto asudžaje hety sprečny prajekt uładaŭ, značna pieravyšała kolkaść tych, chto ŭchvalaje. Siońnia ličby amal zraŭniałasia (37,1% vs. 36,8%). Inšymi słovami, palityčnyja nastupstvy ekanamičnaha kryzisu «saśpiavajuć», ale jašče nie nadyšli.

Hieapalityčnyja nastroi mnohich biełarusaŭ, jak nieadnarazova adznačałasia ekśpiertami NISEPD, u značnaj miery taksama vyznačajucca nie stolki ich bazavymi kaštoŭnaściami, kolki biahučymi intaresami. Tak, prykmietnaje pieravyšeńnie kolkaści prychilnikaŭ jeŭrapiejskaha vybaru nad prychilnikami rasiejskaha (42.7% vs 38.3%), upieršyniu zafiksavanaje ŭ vieraśnioŭskim apytańni, siońnia viarnułasia da bałansu: 42,3% vs 42,1%.

Asablivaja ŭvaha ŭ apytańni było nadadziena prablemie nacyjanalnaj identyčnaści biełarusaŭ. Ekśpierty NISEPD zaznačajuć fakt, što siońnia dźvie traciny biełarusaŭ ličać za ščaście nabyćcio krainaj niezaležnaści ŭ 1991 h. Procilehłaha mierkavańnia prytrymlivajucca 20,6% apytanych. Na hetym ciapier sprabuje «rabić palityku» nie tolki apazicyja, ale i ŭłada.

Adnak źmiastoŭnyja charaktarystyki hetaha «ščaścia», zvyčajna zastajucca pa‑za havorkaju. Ale mienavita hetyja charaktarystyki raskryvajuć unikalnaść nacyjanalnaj identyčnaści biełarusaŭ:

Pytańnie: «Skažycie, što bolš važna — palapšeńnie ekanamičnaha stanovišča Biełarusi ci niezaležnaść krainy?»


Jakija dziaržaŭnyja simvały (hierb, ściah) bolš adpaviadajuć histaryčnaj i kulturnaj spadčyny biełaruskaj nacyi — jakija byli z 1991 pa 1995 hady (z hierbam «Pahonia») abo ciapierašnija (nahadvajuć simvały BSSR)?


Na pytańnie: «Jakaja mova pavinna być abaviazkovaj dla vykarystańnia ŭ jakaści aficyjnaj u dziaržaŭnych ustanovach (urad, armija, sudy, škoły i inš)?

60% doma čaściej za ŭsio karystajucca rasijskaj movaj, 36,6% — miašanaj, 3,4% — biełaruskaj.


Z tuzina sučasnych i histaryčnych lideraŭ najvyšejšyja adznaki atrymali Uładzimir Pucin (3.65 pa 5‑balnaj škale), Kastuś Kalinoŭski (3.62), Piatro Mašeraŭ (3.57) i Kaciaryna Vialikaja (3.43), apošniaje miesca dastałasia Iosifu Stalinu (2.63).

***

Apytańnie pravodziłasia siarod 1514 čałaviek. Bolš padrabiazna pra jaho vyniki možna pačytać na sajcie Niezaležnaha instytuta sacyjalna‑ekanamičnych i palityčnych daśledavańniaŭ.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?