Bliny na aŭsianaj muce — recept i asablivaści hatavańnia

Fota: Cristian Mihaila / Pexels

U adroźnieńnie ad zvyčajnych, hetyja bliny nizkakałaryjnyja, ale bahatyja na klatčatku, a taksama ŭtrymlivajuć białok i vitaminy — tamu adčuvańnie sytaści i enierhii budzie značna daŭžejšym.

Raznastaić ža aŭsiany blin možna čym tolki pažadajecie: ad sałodkich jahad i džemaŭ da śmietankovaha syru i čyrvonaj ryby.

Aŭsianyja bliny na małace:

75 h aŭsianki (abo vy možacie ŭziać aŭsianuju muku)
1 jajka
120 mł małaka (moža być aŭsianaje)
masła/alej dla smažańnia

Jak hatavać:

Dadajcie ŭ blendar aŭsianyja šmatki, jajka i 100 mł małaka i ŭźbicie da atrymańnia adnastajnaj masy. Kali vykarystoŭvajecie muku, uźbicie jaje z małakom i jajkam.
Sumieś pavinna mieć kansistencyju viarškoŭ. Pry nieabchodnaści dadajcie jašče krychu małaka, kab zrabić jaje bolš vadkaj. Mahčyma, vam pryjdziecca dadać jašče krychu małaka, kali vy pačniacie hatavać nastupny blin.
Nahrejcie patelniu z antypryharnym pakryćciom na siarednim ahni. Kali patelnia nahrejecca, dadajcie trochi aleju/masła i vylicie ciesta na patelniu.
Hatujcie kala 2 chvilin, pakul vierchniaja častka blina nie zastynie, a nižniaja nie stanie lohka adździalacca ad pavierchni.
Pieraviarnicie blin łapatkaj i hatujcie na druhim baku kala chviliny. Blin pavinien stać źlohku załacisty.
Hatovyja bliny składzicie na ciopłuju talerku.

Aŭsianyja bliny na johurcie:

2 jajki
3 stałovyja łyžki niesałodkaha johurtu
2/3 šklanki aŭsianki
1 čajnaja łyžka sody
masła dla smažańnia

Zdrabnicie avios z dapamohaj blendara.
U miscy ŭźbicie jajka ź johurtam i dadajcie sodu. Zatym usypcie aŭsianuju muku i dadajcie stałovuju łyžku vady.
Vyšmarujcie masłam i nahrejcie patelniu z antypryharnym pakryćciom na nizkaj ci siaredniaj tempieratury.
Apałonikam vylicie ciesta dla blinoŭ na patelniu i raźmiarkujcie, pačynajučy ź siaredziny, robiačy kruhi, jakija stanoviacca ŭsio bolšyja. Budźcie aściarožnyja: kali bliny zastynuć da taho, jak vy skončycie, prosta dajcie im pryhatavacca.
Jak tolki pačnuć źjaŭlacca burbałki i siaredzina budzie vyhladać hatovaj, pačnicie adździalać krai tonkaj łapatkaj, sačycie za tym, kab nivodnaja častka blinoŭ nie prylipła da pavierchni.
Akuratna pieraviarnicie i absmažcie ź inšaha boku da załacistaha koleru.
Vykładzicie bliny na talerku i vyšmarujcie masłam, potym składzicie ich adzin na adzin.

Čym raznastaić aŭsianyja bliny

Zdrobnienymi zapiečanymi jabłykami z karycaj, bananam i inšaj sadavinoj ci jahadami, sałodkimi sousami i džemami, šakaładnaj ci arachisavaj pastaj.

U jakaści salonych načynak mohuć być čyrvonaja ikra i čyrvonaja ryba, tvarožny abo śmietankovy syr, tušanyja hryby ŭ śmiatanie, harodnina, kansiervavany tuniec ź jajkami i zielaninaj.

Bolš receptaŭ:

Aŭsianka moža być asabliva karysnaj voś ź jakimi dadatkami

Recept na vychadnyja. Čypsy z harodniny — niezvyčajna, prosta i ekanomna

Idealny harnir — kapusta, zapiečanaja z sousam tachini

Hetyja pradukty nie varta razahravać na nastupny dzień. Źježcie ich adrazu ci vykińcie