Siarebrany karaś

Siarebrany karaś

U inśpiekcyi paviedamili, što pryčynaj masavaj hibieli hetaha vidu ryb, jak pakazała daśledavańnie niekalkich vadajomaŭ, akazałasia, pa-pieršaje, što jaje zanadta šmat, a pa-druhoje — što siarod takich karasioŭ šmat starych rybin.

«Siarod zahinułych asobin pieravažali hrupy starejšaha ŭzrostu. Taki faktar, na dumku navukoŭcaŭ, moža tłumačycca jak bijałahičnymi asablivaściami hetaha vidu, tak i strukturnymi pierabudovami ŭ składzie rybnaha statka, vyklikanymi naroščvańniem ichtyjamasy karasia siarebranaha ŭ rybałoŭnych uhodździach», — tak acharaktaryzavali prablemu ŭ inśpiekcyi.

Kab dać prablemie rady, u Dziaržinśpiekcyi vyrašyli abmiežavać dalejšaje zasialeńnie siarebranaha karasia ŭ vadajomy. Akramia taho, razhladajecca mahčymaść źniać abmiežavańni na łoŭlu hetaha vidu karasia pa vazie i kolkaści dla rybałovaŭ-amataraŭ.

Uvohule ŭ biełaruskich vadajomach žyvuć dva vidy karasioŭ: zvyčajny (załaty) i siarebrany. Pieršy — abaryhienny pradstaŭnik našaj ichtyjafaŭny, a druhi byŭ zasieleny ŭ kancy 1940-ch hadoŭ i paśpiachova aklimatyzavaŭsia. Ciapier pierasialeniec užo i pieraŭzychodzić pa kolkaści karasia zvyčajnaha.

Čytajcie taksama:

Jakaja suviaź pamiž BiełAES i atłantyčnym łasosiem? Akazvajecca, samaja niepasrednaja

U Barysaŭskim rajonie rybak złaviŭ vializnaha ščupaka FOTAFAKT

U centry Minska rybak vyłaviŭ 15-kiłahramovaha taŭstałobika

Клас
3
Панылы сорам
2
Ха-ха
3
Ого
6
Сумна
7
Абуральна
3