Ratavalniki debłakavali z-pad zavałaŭ u vioscy Vialiki Burłuk Kupianskaha rajona Charkaŭskaj vobłaści cieły dźviuch žančyn, kolkaść zahinułych ad rakietnaha ŭdaru RF pavialičyłasia da čatyroch.

«Jašče adno cieła 55-hadovaj žančyny ratavalniki debłakavali z-pad zavałaŭ», — paviedamiŭ kiraŭnik abłasnoj administracyi Aleh Siniahubaŭ.

14 lutaha ŭ Vialikim Burłuku rasiejcy patrapili ŭ dvuchpaviarchovy žyły dom i ŭ jašče adzin pobač ź im.

Spačatku paviedamlałasia, što dvoje mužčyn zahinuli i piać cyvilnych traŭmavanyja, a pad zavałami znachodziacca jašče try žančyny: 74, 55 i 27 hadoŭ. Paźniej ratavalniki debłakavali z-pad zavałaŭ cieła 74-hadovaj žančyny. Pošukava-vyratavalnaja apieracyja praciahvajecca. Ciapier pad zavałami zastajecca 27-hadovaja žančyna, piša «Ukrainskaja praŭda».

Čytajcie taksama:

Siońnia nočču Rasija atakavała Ukrainu 26 rakietami. Udałosia źbić pałovu

Rasija naniesła masiravany rakietny ŭdar pa Ukrainie

Usie rakiety, jakija lacieli na Kijeŭ, byli źbityja — administracyja

Клас
0
Панылы сорам
0
Ха-ха
0
Ого
0
Сумна
0
Абуральна
1