Fota: Getty Images

Fota: Getty Images

Jak piša The Wall Street Journal, kubincy składajuć adzin z samych bujnych kantynhientaŭ zamiežnych dobraachvotnikaŭ u šerahach rasijskaha vojska. Śpiecyjalny pradstaŭnik Ministerstva zamiežnych spraŭ Ukrainy ŭ Łacinskaj Amierycy Rusłan Śpiryn, zajaviŭ, što, jak miarkujecca, na linii frontu znachodziacca kala 400 kubincaŭ.

Inšyja ličać, što ličby našmat bolšyja. Deputat Viarchoŭnaj rady Marjan Zabłocki kaža, što ŭ rasijskuju armiju trapili ad 1500 da 3000 kubincaŭ.

Pa słovach ekśpiertaŭ pa biaśpiecy, dla vajennych viarboŭščykaŭ, jakija pracujuć na Rasiju, biednaść Kuby mocna palahčaje pracu. Paharšeńnie ŭmoŭ žyćcia i rost pačućcia bieznadziejnaści siarod kubincaŭ pracazdolnaha ŭzrostu vyklikali biesprecedentnuju chvalu emihracyi.

Pa danych amierykanskaha ŭrada, za apošnija dva hady ŭ ZŠA zjechała bolš za 500 tysiač kubincaŭ, ci kala 5% nasielnictva krainy. Na vostravie ŭsio čaściej adčuvajecca niedachop paliva, charčavańnia i miedykamientaŭ, niaredkija pieraboi z elektryčnaściu.

Imknučysia pavialičyć kolkaść sałdat u svajoj armii, Pucin u studzieni padpisaŭ ukaz, jaki dazvalaje inšaziemcam, jakija słužać u rasijskaj armii na praciahu hoda, atrymać rasijskaje hramadzianstva dla siabie, svaich muža i žonki, dziaciej i baćkoŭ. A viarboŭščyki prapanujuć kubincam zarobak u rajonie 2000 dołaraŭ, što našmat bolš, čym jany mahli b zarabić doma, dzie siaredni miesiačny zarobak składaje mienš za 20 dołaraŭ.

Raibel Palacio Rajbiel Pałasio Rajbiel Pałasia

Kubinski dobraachvotnik Rajbiel Pałasia (Raibel Palacio) (čaćviorty źleva) zahinuŭ praź miesiac paśla taho, jak ŭ listapadzie 2023 hoda vylacieŭ u Rasiju. Skryn videa: UnivisionMiami / YouTube

U vieraśni minułaha hoda kubinski ŭrad zajaviŭ, što likvidavaŭ sietku viarboŭki, jakaja prapanoŭvała kubincam vajavać va Ukrainie. Kamunistyčny režym, jaki histaryčna baicca ŭvarvańnia ZŠA, zabaraniaje viarboŭku najmitaŭ. Prakurory zajavili, što zatrymali 17 čałaviek, jakim pahražaje turemnaje źniavoleńnie terminam da 30 hadoŭ ci navat śmiarotnaje pakarańnie.

Ukrainskija čynoŭniki skieptyčna aceńvajuć nastupstvy rasijskaj viarboŭki na Kubie.

«Niekalki sotniaŭ kubincaŭ ničoha nie źmieniać na poli boju», — skazaŭ vydańniu adzin z vysokapastaŭlenych pradstaŭnikoŭ ukrainskaj słužby biaśpieki, ale pry hetym dadaŭ, što meta Maskvy, chutčej za ŭsio, zaklučajecca ŭ tym, kab uciahnuć Kubu jašče hłybiej u vajenny kanflikt na baku Rasii.

Čytajcie jašče:

«Vidavočny prykład palityki impieryjalizmu i nieakałanijalizmu». Saviet Respubliki zaklikaŭ spynić błakadu Kuby

Kuba paviedamiła pra aryšt 17 čałaviek pa spravie ab viarboŭcy na vajnu va Ukrainie

«Zakančvajecca i Kuba, jakaja supraćstajała ZŠA». Kuba vyjaviła rasijskuju sietku viarboŭki svaich hramadzian dla vajny z Ukrainaj i aburyłasia

Kuba praviała piacirazovuju devalvacyju

Клас
0
Панылы сорам
5
Ха-ха
5
Ого
0
Сумна
0
Абуральна
6

Chočaš padzialicca važnaj infarmacyjaj ananimna i kanfidencyjna?