12 studzienia (aŭtorak) u Minsku adbudziecca doŭhačakanaje adkryćcio kinateatra «Kijeŭ», dzie pakaz kinakarcin budzie ažyćciaŭlacca ŭ farmacie Dolby 3D.

Pieršaj kinastužkaj, pakazanaj ŭ trochmiernym vyhladzie, stanie «Avatar» Džejmsa Kemierana.

«Kijeŭ» pakul pieršy ŭ Biełarusi pieraabstalavany pad 3D‑farmat kinateatr. Pry prahladzie filmaŭ u 3D u hledačoŭ stvarajecca iluzija abjomnaści adlustravańnia i iluzija najaŭnaści treciaha vymiareńnia.
Mienavita tamu dla prahladu fantastyčnaj kinastužki Kemierana, jakaja ŭžo stała biassprečnym lideram kinaprakata, kinateatry pačali pieraabstaloŭvać pa ŭsim śviecie. Da prykładu, u susiedniaj Rasii kolkaść 3D‑zalaŭ pavialičyłasia ŭ try razy da 323. Miž inšym, abstalavańnie adnoj 3D‑zali kaštuje kala 100 tysiač jeŭra, ale arhanizatary kinaprakatu ŭpeŭnieny, što ŭ trochmiernym vyhladzie stužku pahladzić rekordnaja kolkaść ludziej.
12 i 13 studzienia ŭ kinateatry «Kijeŭ» hledačam pakažuć pa adnamu sieansu filma «Avatar».

Pačynajučy z 14 studzienia, kinateatr budzie pracavać u zvyčajnym režymie — dva sieansy ŭ budni i try sieansy ŭ vychodnyja. Hrafik pracy budzie źmianiacca ŭ zaležnaści ad praciahłaści kinastužak.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?