«Napeŭna, ciažka pavieryć, ale ja ščyra spačuvaju baćku, jaki straciŭ dzicia. Jak spačuvaju mamie Alaksieja Navalnaha. Jak spačuvaŭ apošnija hady mamie Bory Niamcova, jakaja pakinuła nas u hetym miesiacy. Maje spačuvańni siamji Siečynych, vymušanaj chavać svajo hora», — napisaŭ Nieŭźlin. 

Pavodle rejestru, Ivan Iharavič Siečyn pamior 5 lutaha, jamu było 35 hadoŭ. Raniej pra jaho śmierć i jaje pryčyny publična nie paviedamlałasia. 

«Miediazona», pravieryŭšy zapis u rejestry pierakanałasia, što jon aformleny na Ivana Iharaviča Siečyna 1989 hoda naradžeńnia, jaki žyŭ u Maskvie pa adrasie Šviedski tupik, dom 3. U 2013 hodzie RBK nazyvała hety budynak domam dla paplečnikaŭ Pucina. Pavodle infarmacyi RBK, tam žyŭ u tym liku i Ihar Siečyn. 

Pavodle ŭciečak z rasiejskich baz źviestak, piša «Miediazona», Ivan Siečyn pracavaŭ u «Rasnafcie» z 2014 hoda. U studzieni 2015 hoda, kali jamu było 25 hadoŭ, jon atrymaŭ miedal ordena «Za zasłuhi pierad Ajčynaj» II stupieni.

U 2022 hodzie jon trapiŭ pad sankcyi ZŠA za ŭvarvańnie va Ukrainu jak syn svajho baćki.

Pa aficyjna nie paćvierdžanaj infarmacyi kanała VČK-OHPU, prykładna ŭ 04:30 u noč na 5-je lutaha 35-hadovy Ivan paskardziŭsia, što jamu drenna, jon zadychajecca. Mužčyna ŭpaŭ i straciŭ prytomnaść. Jamu imknulisia zrabić pieršasnyja reanimacyjnyja mierapryjemstvy. Adnačasova chutkuju vyklikaŭ achoŭnik Ivana Siečyna, praŭda, nazvaŭ niedakładny adras. U vyniku miedyki jechali amal dźvie hadziny. Kali chutkaja prybyła na miesca, to lekary tolki zmahli kanstatavać śmierć Ivana. 

Krynica VČK-OHPU raspaviała, što aficyjnaj pryčynaj śmierci 35-hadovaha Ivana Siečyna nazvany tromb. 

Pry hetym Siečyn zabaraniŭ supracoŭnikam SKR, FSB i inšym siłavikam zajmacca pytańniami śmierci Ivana.

Pa danych VČK-OHPU, na trecija sutki paśla śmierci mužčyna byŭ pachavany.

Ivan byŭ adzinym synam Ihara Siečyna. Viadoma, što ŭ jaho jašče jość dźvie dački. 

Čytajcie taksama:

«A chto jon taki?» — reakcyja botaŭ na naviny pra śmierć Navalnaha 

Cieła Navalnaha nie addaduć svajakam jašče 14 dzion

«My viedajem, za što kankretna Pucin zabiŭ Alaksieja. My chutka vam raskažam». Julija Navalnaja zapisała zvarot da rasijan

Клас
17
Панылы сорам
3
Ха-ха
6
Ого
11
Сумна
18
Абуральна
10