22 lutaha skončyŭsia paŭtorny aryšt byłoha palitviaźnia Alaksieja Ramanava. Jaho zatrymali 23 studzienia supracoŭniki KDB padčas masavaha «chapuna» pa ŭsioj Biełarusi. Na sudzie jon atrymaŭ 15 sutak nibyta za «raspaŭsiud ekstremisckich materyjałaŭ». Paśla sud dadaŭ jamu jašče 15 dzion aryštu. Siońnia jon mieŭ vyjści ź izalatara.

Jak stała viadoma Radyjo Svaboda, Ramanava nie adpuścili z homielskaha IČU «ŭ suviazi z vybarami». Jon maje invalidnaść, ankałahičnaje zachvorvańnie i pankreatyt. U izalatary jamu niekalki razoŭ rabiłasia błaha. Jaho advozili ŭ špital i viartali nazad. «Lekary skazali, što jon patrabuje špitalizacyi, i jaho pakładuć na lačeńnie, kali adbudzie administracyjny aryšt», — skazała infarmavanaja krynica.

Nie vyjšaŭ paśla 30-sutačnaha aryštu i były homielski palityk Vasil Palakoŭ. Paśla 23 studzienia jon dvojčy atrymlivaŭ 15 sutak pa administracyjnych artykułach. Jość infarmacyja, što suprać jaho pačali kryminalnuju spravu.

Čytajcie taksama:

Palitviaźnia druhi raz buduć sudzić za danaty, niahledziačy na kaśmičnyja adkupnyja. Zaraz jamu pahražaje da 15 hadoŭ

«Jon vielmi čakaŭ, što jaho pieraviaduć u špital i pačnuć lačyć». Ihar Lednik spadziavaŭsia na dapamohu da apošniaha

Byłoha žurnalista Andreja Tołčyna abvinavačvajuć pa troch kryminalnych artykułach

Клас
0
Панылы сорам
1
Ха-ха
0
Ого
0
Сумна
1
Абуральна
14