Vadzimu skazali, što jon budzie pracavać na piłaramie. Adnak jaho pryvieźli na fiermu ŭ Śviardłoŭskaj vobłaści, u pasiołak Šadrycha. U mužčyny zabrali ŭsie dakumienty, a jaho pracaj staŭ dohlad za karovami i dapamoha pa haspadarcy, pišuć vałanciory.

Za 10 miesiacaŭ pracy zarpłatu mužčynu nie zapłacili ni razu. A za adnojčy zhublenuju karovu Vadzima žorstka źbili.

 

Kali vałanciory z žurnalistami i vyklikanym palicejskim pryjechali na miesca, haspadar fiermy — armianin pa imieni Navier — zajaviŭ, što dakumienty ŭ Vadzima nie adbiraŭ, ale potym ich addaŭ. 

Paśla ŭhavoraŭ supracoŭnikaŭ palicyi paličyć, kolki ž Vadzim zarabiŭ za amal hod pracy, Navier zrabiŭ raźliki i skazaŭ, što nikolki. Bo, jak śćviardžaŭ haspadar fiermy, častku abiacanaj zarpłaty jon pieraličvaŭ byłoj žoncy Vadzima ŭ košt alimientaŭ, a astatniaje pajšło na zabieśpiačeńnie jaho praduktami charčavańnia i rečami. Pavodle Naviera, Vadzim jašče i zastaŭsia daŭžnikom. Adnak hrošy na kvitok dadomu ŭsio ž daŭ.

Zaraz Vadzim u biaśpiecy i ŭ bližejšy čas zmoža viarnucca dadomu, pišuć vałanciory.

Čytajcie taksama:

Vałanciory ŭ Dahiestanie vyzvalili z rabstva biełarusa, jakoha kupili za 400 dalaraŭ

Vałanciory vyratavali biełarusa z rabstva ŭ Rasii i viarnuli jaho da rodnych u Mahiloŭ

Apublikavany rejtynh krain ES pavodle ŭzroŭniu rasizmu. Raskazvajem, dzie rasavaj dyskryminacyi bolš

Клас
0
Панылы сорам
5
Ха-ха
1
Ого
2
Сумна
1
Абуральна
17