Fota: belkagomel.by

Fota: belkagomel.by

Buchhałtar homielskaha pradpryjemstva prydumała niezvyčajny sposab zarobku — jana padrablała daviedki, što zdaje kroŭ, i atrymlivała za heta hrošy. U niejki momant žančyna ŭvajšła ŭ azart i nastolki začaściła z danacyjami, što trapiła pad kryminałku, piša belkagomel.by.

Buchhałtar zdavała kroŭ z 2017 hoda. I viedała, što pa zakonie donar moža raźličvać na apłačany dzień dla adpačynku i adnaŭleńnia sił. A jašče — na zarobak, hrošy na jaki vydzialajucca z abłasnoha biudžetu.

— Technična heta vyhladaje tak, — tłumačyć pamočnik prakurora Kaciaryna Baranava. — Centr transfuzijałohii vydaje donaru daviedku ab vyzvaleńni ad pracy, jakuju toj pavinien pakazać najmalniku i atrymać ad jaho inšuju daviedku — ab siaredniadzionnym zarobku. Hety dakumient donar adnosić u centr i atrymlivaje naležnuju sumu. Pry hetym hrošy vydajucca najaŭnymi.

Jak ustanaviła śledstva, žančyna sama drukavała daviedki ab zarobku, staviła ŭ ich podpisy za dyrektara pradpryjemstva i pieradavała ŭ centr transfuzijałohii. Takim čynam jana niezakonna atrymała bolš za 2200 rubloŭ.

Pad padazreńnie ŭ machlarstvie buchhałtar trapiła, kali skaraciła intervały pamiž płatami kryvi — časam pa dakumientach jany nie pieravyšali i troch-čatyroch dzion, choć pavinny składać bolš za dva tydni.

U dačynieńni da žančyny raspačali kryminalnuju spravu. Sud pryznaŭ jaje vinavataj u machlarstvie i pryznačyli štraf čatyry tysiačy rubloŭ. Pryčynienuju škodu buchhałtar kampiensavała jašče da sudu.

Čytajcie taksama:

Dyrektar liceja ŭ Polščy prajhraŭ hrošy navučencaŭ i zjechaŭ u Biełaruś. Ale vytrymaŭ tolki 10 dzion

Dziaŭčyna chacieła abyhrać kazino. Jana ŭlezła ŭ sumnieŭnuju spravu i straciła $1234

U Minsku idzie sud ab kradziažy hrošaj dolščykaŭ «Hrušaŭskaha pasada». 430 paciarpiełych i 58 miljonaŭ rubloŭ škody

Клас
0
Панылы сорам
9
Ха-ха
3
Ого
0
Сумна
1
Абуральна
2