Apamie Šanaŭer. Fota: Philipp von Ditfurth / picture alliance praz Getty Images

Apamie Šanaŭer. Fota: Philipp von Ditfurth / picture alliance praz Getty Images

Apamie Šanaŭer — 39-hadovaja architektarka ź iranskimi karaniami, jakaja žyvie ŭ Bierlinie, — pieramahła na konkursie «Mis Hiermanija», vyniki jakoha padviali ŭ horadzie Rust uviečary 24 lutaha.

Šanaŭer naradziłasia ŭ Tehieranie, ale žyvie ŭ Niamieččynie z šaścihadovaha ŭzrostu. Jana maje namier padtrymlivać maładych žančyn ź mihracyjnymi karaniami. Padčas konkursu maci dvaich dziaciej nie raz padkreślivała svaju prychilnaść da baraćby za pravy žančyn z fokusam na situacyi ŭ Iranie.

Pieramožca konkursu atrymaje ŭznaharodu Female Leader Award, hrašovaja častka jakoj składaje 25 000 jeŭra.

Pa dadzienych arhanizataraŭ, zajaŭku na ŭdzieł u konkursie padali 15000 žančyn. U finale Šanaŭer udałosia abyści vosiem supiernic. Na hety raz uzrostavaje abmiežavańnie (39 hadoŭ) admianili. Samaj starejšaj udzielnicy finału — žycharcy Hamburha Mińjon Kavollik — 42 hady.

Za apošnija hady konkurs «Mis Hiermanija» źmianiŭ svaju kancepcyju. Raniej udzielnicam treba było prachodzić pa podyumie ŭ bikini. Z 2019 hoda ŭ hałavu pastavili asabistyja jakaści žančyn, a taksama ich «hatoŭnaść prajavić adkaznaść». Pieramožcy bolš nie apranajuć karonu, adnak stužka praź plačo zachavałasia.

Čytajcie taksama:

Botaks: kali i ŭ jakich vypadkach jaho prymianiać?

Japonskaja ŭkrainka admoviłasia ad tytuła «Mis Japonija». Padviało ryzykoŭnaje kachańnie

«Nazvanaja suma — heta tolki mara». Biełaruski raskazali, kolki im treba hrošaj dla ščaścia i chto ŭ siamji pavinien ich zarablać

Клас
14
Панылы сорам
11
Ха-ха
3
Ого
1
Сумна
0
Абуральна
1