Bolš za 110 paleścincaŭ zahinuli ŭ ciskaninie ŭ Hazie, kali tudy ŭvajšła aŭtakałona z hruzam humanitarnaj dapamohi, piša Bi-bi-si.

Natoŭp, jaki čakaŭ humanitarnuju dapamohu, akružyŭ kałonu hruzavikoŭ, kali jana prajechała praź Izrailski vajenny kantrolna-prapuskny punkt na prybiarežnaj darozie na zachad ad horada Haza.

Izrailskija vajskoŭcy zajavili, što vojski adkryli ahoń pa niekatorych paleścincach, jakija, jak zdałosia vajskoŭcam, ujaŭlali pahrozu.

U chaosie, jaki ŭźnik, hruzaviki pasprabavali prasunucca napierad. Adzin paleściniec-śviedka paćvierdziŭ, što bolšaść zahinułych byli źbityja mašynami.

Ministerstva achovy zdaroŭja Hazy, padkantrolnaje CHAMAS, abvinavaciła ŭ tym, što adbyłosia, Izrail, a prezident ZŠA Džo Bajden vykazaŭ zaniepakojenaść tym, što hety incydent uskładnić namahańni ZŠA i inšych pasiarednikaŭ pa dasiahnieńni časovaha spynieńnia ahniu ŭ vajnie pamiž Chamasam i Izrailem.

Pradstaŭnik izrailskich uładaŭ Avi Chajman nazvaŭ padziei trahiedyjaj i padkreśliŭ, što pa papiarednich danych pryčynaj hibieli takoj kolkaści ludziej stali kiroŭcy mašyn, jakija ŭ niejki momant zapanikavali i prajechali litaralna praz natoŭp ludziej, jakija čakali prybyćcia humanitarnaj dapamohi.

Čytajcie taksama:

Bajden: Pieramirje ŭ Hazie nastupić u nastupny paniadziełak

«Takoje było, kali Hitler vyrašyŭ zabić habrejaŭ». Prezident Brazilii paraŭnaŭ vajnu ŭ siektary Haza z Chałakostam

Paleścina nazvała Rasiju aporaj u svajoj baraćbie

Клас
1
Панылы сорам
8
Ха-ха
1
Ого
3
Сумна
24
Абуральна
2