U Varšavie na miescy, dzie hvałtaŭnik napaŭ na biełarusku, uźnik stychijny miemaryjał

U Varšavie na miescy, dzie hvałtaŭnik napaŭ na biełarusku, uźnik stychijny miemaryjał

«Jaje zvali Liza, joj było 25 hadoŭ, u jaje byli karyja vočy i talent da stvareńnia kapielušoŭ. Jana pryjechała žyć u Polšču z-za niebiaśpieki ŭ Biełarusi. My ŭžo nie daviedajemsia, pra što jana maryła i što płanavała — unačy, u centry Varšavy, u elitnym rajonie, jaje žorstka zhvałtavali i zabili. Nichto nie adreahavaŭ, nichto nie patelefanavaŭ u słužbu 112. 

My pavinny adreahavać zaraz. My vinny joj. My vychodzim na vulicy ŭ jaje honar i ŭ pamiać ab usich žančynach, jakija padvierhlisia seksualizavanamu hvałtu. My nie žadajem bajacca. My nie žadajem, kab bajalisia našyja dočki i našyja siabroŭki. 

Toje, što zdaryłasia ź Lizaj, mahło adbycca ź luboj z nas. Jaje zhvałciŭ i zabiŭ «zvyčajny» čałaviek. My vychodzim na vulicy, kab Liza nie była zabytaja. Kab vulicy narešcie stali biaśpiečnymi dla nas», — havorycca ŭ zajavie arhanizataraŭ. 

Akcyja musić raspačacca ŭ 18:00 6 sakavika na miescy złačynstva — ul. Żurawia 47 u Varšavie. 

Fota: fejsbuk Volhi Bykoŭskaj

Fota: fejsbuk Volhi Bykoŭskaj

Arhanizatary zaklikajuć prychodzić na akcyju ŭ čornym adzieńni. 

«Trahiedyja Lizy adbyłasia ŭ cišyni. Joj nie dapamahli, bo jana nie kryčała. Bolšaść žančyn padčas zhvałtavańnia nie kryčać — u vyniku dysacyjacyi, admaŭleńnia abo nieśviadomaha stanu. Maŭčańnie nie aznačaje zhody. Jano moža być krykam ab dapamozie. Marš projdzie ŭ cišyni», — pišuć arhanizatary. 

25 lutaha ŭ Varšavie na 25-hadovuju biełarusku Lizavietu napaŭ 23-hadovy Darjan S. Jon zhvałciŭ jaje i dušyŭ. 1 sakavika biełaruska pamierła ŭ špitali. 

Pachavajuć Lizavietu ŭ Varšavie. 

Śmierć Lizaviety vyklikała ŭ Polščy dyskusiju na temu ŭviadzieńnia bolš žorstkaha pakarańnia dla vinavatych u seksualnych złačynstvach. Polski ŭrad płanuje pierahledzieć toje, jak u Kryminalnym kodeksie krainy vyznačajecca zhvałtavańnie. Ciapier pad im razumiejuć «pałavy akt z prymianieńniem siły, pahrozy ci padmanu», a paśla źmienaŭ zhvałtavańniem buduć ličyć lubyja seksualnyja dziejańni biez adkrytaj zhody adnaho z bakoŭ.

Čytajcie taksama:

«Mnie paščaściła. A Lizie — nie». Paśla śmierci biełaruski ŭ Varšavie ŭ siecivie šyrycca chešteh #chopićhvałcić — voś što pišuć

Polski Kanhres žančyn źviarnuŭsia da palitykaŭ paśla śmierci zhvałtavanaj biełaruski

Lizu, što pamierła ŭčora ŭ Varšavie, pachavajuć u polskaj stalicy

Zhvałtavanaja ŭ Varšavie biełaruska pamierła

Клас
3
Панылы сорам
5
Ха-ха
3
Ого
0
Сумна
23
Абуральна
4