Heta miedna-nikielevaja manieta naminałam 1 rubiel «Vyjaŭlenčaje mastactva. Avanhard. UNOVIS». Jaje vypusk anansavali ŭ 2020 hodzie da 100-hodździa UNOVIS — avanhardnaha mastackaha abjadnańnia, stvoranaha Kazimiram Malevičam u Viciebsku ŭ 1920 hodzie. Adpusknaja cana ŭ Nacbanka była 18 rubloŭ, usie maniety raskupili.

Siarebranyja maniety z hetaj sieryi kaštavali 170 rubloŭ, ciapier u internecie košt dachodzić da 1250 rubloŭ (ale heta maksimum, niekatoryja pradaŭcy hatovyja addać i za 750 rubloŭ).

Jašče adna manieta, jakaja rezka vyrasła ŭ canie, — da 150-hodździa Vitolda Białynickaha-Biruli, vydatnaha biełaruskaha žyvapisca-piejzažysta. Na sajcie Nacbanka paznačany adpusknyja ceny 150 i 185 rubloŭ za siarebranuju manietu naminałam 20 rubloŭ (biez futarała i ŭ im), miedna-nikielevaja naminałam 1 rubiel kaštavała 22 rubli. Darečy, hetyja maniety charakternyja jašče i tym, što jany prastakutnyja.

Pavodle infarmacyi ad kalekcyjanieraŭ, hetyja maniety trapili ŭ prodaž litaralna niadaŭna, i za imi vystrojvałasia čarha la centralnaha aparata Nacbanka.

Ciapier jany taksama razychodziacca pa aŭkcyjonach. Miedna-nikielevuju manietu niadaŭna pradali za 135 rubloŭ, jašče jana handlujecca ŭžo pa 145 rubloŭ.

Siarebranuju na pieraprodažy my zaŭvažyli za 550 rubloŭ.

Što heta za maniety?

Pamiatnyja maniety vypuskajucca centralnymi bankami roznych krain da jakoj-niebudź padziei. Ceny na ich mohuć adroźnivacca ŭ razy i zaležać ad asablivaściaŭ maniet i nakładu vypusku.

U kožnaj pamiatnaj maniety jość naminał, pa im jaje pavinny prymać jak zvyčajnyja hrošy, ale našmat bolš vyhadna pradać jaje kalekcyjanieru.

Čytajcie taksama:

U Francyi źniščyli i vybili paŭtorna 27 miljonaŭ maniet. Usio praź niaŭvažlivaść

U rymski fantan Trevi turysty za hod nakidali 33 tony maniet

Nacbank vypuściŭ niezvyčajnuju manietu, stylizavanuju pad staradaŭniuju

Клас
4
Панылы сорам
1
Ха-ха
0
Ого
1
Сумна
0
Абуральна
1