Fota mierkavanaha «kienijskaha syna Iłana Maska», jakoje toj vystaviŭ u internecie z prośbaj dasłać hrošy na «sustreču z baćkam». Krynica: tvitar-akaŭnt Elon Musk Junior
Mužčyna z Kienii zajaviŭ u tvitary, što źjaŭlajecca synam miljardera Iłana Maska, i dla nahladnaści vykłaŭ nibyta svaju fatahrafiju z apisańniem taho, jakim čynam Mask moh stać jaho baćkam.
Kienijec adznačyŭ, što hatovy pryjechać u ZŠA na prachodžańnie ŭsich nieabchodnych testaŭ i što pradstaŭniki miljardera ŭžo nibyta zaprasili jaho ŭ Štaty.
Adnak na ŭsio hetaje «ŭźjadnańnie z baćkam» mužčyna paprasiŭ danaty ŭ padpisčykaŭ i inšych karystalnikaŭ, pakinuŭšy spasyłku na zbor srodkaŭ (za niekalki dzion nichto tak i nie zadanaciŭ).
«Darahija kienijcy, kali łaska, dapamažycie mnie adnavić suviaź z maim baćkam Iłanam Maskam. U pačatku 90-ch maja maci pracavała mieniedžaram u kienijskim hateli JW Marriott Masai Mara Lodge, dzie taksama pabyvaŭ i Iłan Mask. Maci była pryhožaj ciemnaskuraj žančynaj, i ja ŭpeŭnieny, mienavita tamu jana i spadabałasia Masku.
Ciapier ja žyvu ŭ krajniaj halečy, choć moj baćka — dalaravy miljarder. Jaho kamanda jurystaŭ užo źviazałasia sa mnoj i nastajała na tym, kab ja pajechaŭ u ZŠA, dzie nieabchodna pravieści niekalki testaŭ, pierš čym mianie pryznajuć jaho synam. Vaš šanoŭny ŭkład usiaho ŭ adzin dalar budzie mieć vialikaje značeńnie dla dasiahnieńnia hetaj mety», — napisaŭ kienijec u tvitary.
Sam miljarder pry hetym nijak publična nie adreahavaŭ na post, a karystalniki stali masava žartavać pra nienaturalnaje padabienstva kienijca ź Iłanam Maskam, padazrajučy pieršaha ŭ vykarystańni štučnaha intelektu dla hienieracyi tvaru.
Dastałosia kienijcu ŭ kamientarach i ad jaho suajčyńnikaŭ, jakija taksama ŭ bolšaści svajoj nie pavieryli ŭ praŭdapadobnaść fota.
Skrynšoty reakcyj na post. Interfejs tvitara nie padtrymlivaje biełaruskuju movu
Adnak znajšlisia i tyja, chto pavieryŭ u praŭdzivaść hetaj historyi i paličyŭ jaje kranalnaj.
Takim čynam siabie paviali i niekatoryja tabłoidy (afrykanskija i zamiežnyja), jakija nie stali akcentavać uvahu na tym, što post «kienijskaha syna Iłana Maska» vyhladaje fejkam.
Čytajcie taksama:
Znaŭcy štučnaha intelektu prahnazujuć, što nieŭzabavie padrobki stanie niemahčyma vyjavić
U ZŠA miljarderka zahinuła, vypadkova zajechaŭšy ŭ sažałku na mašynie Tesla
