Łukašenka nazvaŭ poŭnaj duraściu zajavy ab płanach Rasii i Biełarusi napaści na Zachad, piša BiełTA.
«Duraść poŭnaja. My nie źbirajemsia na ich napadać. My vybudoŭvajem tut sistemu abarony. Jany čakajuć heta. Jany pravakujuć nas, kab my choć niejak im adkazali. Vaźmicie zakid dyviersijnych hrup praz ukrainskuju miažu. Jany zacikaŭleny ŭ raźviazvańni hetaj vajny. Durnyja ludzi».
«Nam čužoha nie treba, ale svajo nie addamo.Voś naša łohika. Nam nie treba hetaja vajna. Ale kali tuzanucca, my vielmi surjozna adkažam», — skazaŭ jon
Nahadajem, što ŭ niadzielu «ministr abarony» ŭ kabiniecie Cichanoŭskaj Valer Sachaščyk zajaviŭ, što ŭłady Rasii i Biełarusi rychtujuć vykarystańnie jadziernaj zbroi i blickryh na Vilniu.
Pavodle jaho słoŭ, «biełaruskija hienierały sa svaimi kalehami z Maskvy malujuć strełki na mapach u bok Vilni», a ŭłady Rasii i Biełarusi spadziajucca, što «cyvilizavany śviet budzie šakavany» takoj eskałacyjaj ahresii i «spynić supraciŭ».
Vykarystańnie jadziernaj zbroi i napad na Litvu Maskva i Minsk płanujuć z-za niaŭdačy ŭ vajnie z Ukrainaj.
«Ja, budučy śpiecyjalistam vajskovym, majučy kamunikacyju z kalehami va ŭsich zachodnich krainach, upeŭnieny na 100%: Rasiju čakaje vialikaja vajennaja katastrofa. Ja ŭpeŭnieny, što rasijskija i biełaruskija hienierały dobra heta adčuvajuć», — adznačyŭ tady Sachaščyk.
«I moža tak być, što nas usich čakajuć vielmi ciažkija časy. Ale čym ciažejšy šlach, tym daražejšaja pieramoha. Ja ŭpeŭnieny, što jana budzie», — padsumavaŭ u niadzielu Valer Sachaščyk.
Čytajcie taksama:
Ułady Rasii i Biełarusi rychtujuć vykarystańnie jadziernaj zbroi i «blickryh na Vilniu» — Sachaščyk
Kamu z palitykaŭ najbolš daviarajuć kalinoŭcy? Zianonu Paźniaku
Łukašenka pryjechaŭ ź inśpiekcyjaj vojska pad litoŭskuju miažu
