Raspaŭsiud nacysckaj simvoliki ŭ Biełarusi budzie karacca štrafam da 200 bazavych vieličyń (ciapier adna bazavaja vieličynia składaje Br35 tys.) abo administracyjnym aryštam.

Heta praduhledžana zakonam «Ab uniasieńni źmianieńniaŭ i dapaŭnieńniaŭ u niekatoryja kodeksy Respubliki Biełaruś pa pytańniach kryminalnaj i administracyjnaj adkaznaści», jaki byŭ niadaŭna pryniaty ŭ Biełarusi, adnak pakul nie ŭstupiŭ u siłu.

U pryvatnaści, prapahanda i (abo) publičnaje demanstravańnie, vyrab i (abo) raspaŭsiudžvańnie nacysckaj simvoliki abo atrybutyki fizičnymi asobami buduć karacca štrafam da 10 bazavych vieličyń abo administracyjnym aryštam. Indyvidualnym pradprymalnikam za takoje pravaparušeńnie daviadziecca raskašelicca na sumu da 50 bazavych vieličyń, a jurydyčnym asobam — da 200 bazavych vieličyń.

Pry hetym pad nacysckaj simvolikaj abo atrybutykaj majucca na ŭvazie ściah, himn, emblema, vympieł, halštuk, nahrudny i apaznavalny znak Nacyjanał‑sacyjalistyčnaj rabočaj partyi Hiermanii abo ich kopii.

Razam z tym administracyjnym pravaparušeńniem nie budzie ličycca vyrab, publičnaje demanstravańnie i (abo) raspaŭsiudžvańnie nacysckaj simvoliki abo atrybutyki fizičnaj asobaj, indyvidualnym pradprymalnikam abo jurydyčnaj asobaj pry ažyćciaŭleńni dziejnaści ŭ halinie teatralnaha, muzyčnaha, cyrkavoha i vyjaŭlenčaha mastactva, biblijatečnaj spravy, kiniematahrafii, muziejnaj spravy, hastrolna‑kancertnaj dziejnaści, vydavieckaj spravy, adukacyjnaj dziejnaści, srodkaŭ masavaj infarmacyi ŭ adpaviednaści z zakanadaŭstvam.

Akramia taho, zakonam ustanaŭlivajecca administracyjnaja adkaznaść

za «vyrab i (abo) raspaŭsiudžvańnie, a taksama zachoŭvańnie z metaj raspaŭsiudžvańnia ekstremisckich materyjałaŭ, kali ŭ hetych dziejańniach niama składu złačynstva».

Za heta pravaparušeńnie dla fizičnych asob ustanaŭlivajecca adkaznaść u vyhladzie štrafu ad 10 da 50 bazavych abo administracyjnaha aryštu. Štraf dla IP składzie ad 50 da 100 bazavych vieličyń i dla jurydyčnych asob — ad 100 da 500 bazavych vieličyń.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?