Pra heta zajaviŭAlaksandr Łukašenka siońnia pry naviedvańni internata numar 11, jaki adkryŭsia ŭ kompleksie «Studenckaja vioska» ŭ Minsku.

«Hety niaščasny kryzis skončycca, i my budziem bolš aktyŭna realizoŭvać prajekt pa budaŭnictvie «Minsk‑Sici»,
‑ skazaŭ kiraŭnik dziaržavy. — Heta dobry prajekt, i my ad jaho nie admaŭlajemsia».

V. a. staršyni Minskaha harvykankama Mikałaj Ładućka prainfarmavaŭ kiraŭnika dziaržavy pra toje, što ŭ vieraśni 2012 hoda budzie zavieršana budaŭnictva troch stancyj maskoŭskaj linii mietrapalitena (pa napramku ŭzdoŭž praśpiekta Dziaržynskaha), a ŭ vieraśni 2013 hoda budzie zakončana budaŭnictva stancyi «Malinaŭka».

Adkazvajučy na pytańnie studenta ab chodzie budaŭnictva novaha korpusa fakulteta mižnarodnych adnosin BDU na Pryvakzalnaj płoščy, Alaksandr Łukašenka adznačyŭ, što biudžet 2010 hoda praduhledžvaje vydzialeńnie na budaŭnictva korpusa dadatkova Br1 młrd.

Razmaŭlajučy sa studentami FMA, jon nahadaŭ, što ŭ svoj čas padtrymaŭ rašeńnie ab tym, kab kvalifikavanych dypłamataŭ u Biełarusi rychtavała adna VNU.

«Lepš raźvivać adzin centr padrychtoŭki dypłamataŭ»,

— padkreśliŭ Alaksandr Łukašenka, dadaŭšy, što vopyt pryvatnych VNU ŭ hetym płanie siabie nie apraŭdaŭ.

«My vielmi akuratna pastavilisia da pryvatyzacyi VNU, praktyčna ničoha ŭ hetaj śfiery nie pryvatyzavali. I, jak pakazała praktyka, heta rašeńnie było pravilnym.

Nam nie patrebny VNU‑šarłatany, jakija nie dajuć narmalnych viedaŭ»,

— reziumavaŭ Alaksandr Łukašenka.

Na fakultecie mižnarodnych adnosin BDU ciapier navučajucca kala 3 tys. 300 čałaviek

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?