Artur Rolič. Fota «Kibierpartyzanaŭ»

Artur Rolič. Fota «Kibierpartyzanaŭ»

Arturu Roliču 39 hadoŭ. Jon minčuk, ź dziacinstva žyŭ u Kurasoŭščynie. Paśla škoły pracavaŭ u pryvatnych firmach na roznych pasadach.

U 2013-m Artur adkryŭ ułasny biznes — kramu Grandbazaare, u jakoj pradavaŭ brendavaje adzieńnie i abutak. U supołcy hrupy Ukantakcie bolš za 40 tysiačaŭ padpisantaŭ. U apošnija hady jahonaja firma śpiecyjalizavałasia na brendzie Under Armour.

A z 2023-ha Rolič pieravioŭ staronki svajho biznesu na biełaruskuju movu.

Artur zachaplajecca sportam, ale asabliva futbołam, i navat raniej hulaŭ u amatarskich lihach na pazicyi bramnika. U jakaści fota na svaje avatarki ŭ sacsietkach jon stavić futbalistaŭ i inšych spartoŭcaŭ.

Apošniaje paviedamleńnie ŭ supołcy jahonaha biznesu datujecca 27 lipienia 2023-ha hoda. Tady jon raskazaŭ, što «źjazdžaje ŭ adpačynak, ale vierniecca 15 žniŭnia». Artura niama ŭ raskładach sudoŭ, tamu, najchutčej, heta było paviedamleńnie nie pra zatrymańnie, a pra sapraŭdny adpačynak.

Apošniaje paviedamleńnie ŭ supołcy Artura

Apošniaje paviedamleńnie ŭ supołcy Artura

Imavierna, pa viartańni z adpačynku Artur byŭ zatrymany.

Jamu pradjavili abvinavačańni pa piaci artykułach kryminalnaha kodeksa, usie ź jakich datyčnyja achviaravańniaŭ roznym biełaruskim inicyjatyvam. Heta abiedźvie častki artykuła 290-1 KK Biełarusi («finansavańnie terarystyčnaj dziejnaści»), abiedźvie častki artykuła 361-2 KK («finansavańnie ekstremisckaj dziejnaści») i artykuł 361-2 KK («finansavańnie dziejnaści ekstremisckaha farmiravańnia»), jaki dziejničaŭ da maja 2021-ha.

Sud nad Arturam Roličam pačniecca 23 krasavika ŭ Minskim haradskim sudzie. Jamu pahražaje da piatnaccaci hadoŭ źniavoleńnia.

Čytajcie taksama:

Maładzieńkaj biełaruskamoŭnaj nastaŭnicy pahražaje da 10 hadoŭ turmy za padtrymku Ukrainy i ŭdzieł u pratestach

Kaho sadziać za danaty, a kamu dazvalajuć adkupicca. Voś jakaja łohika

67-hadovaja biełaruska viarnułasia sa Šviecyi. Ciapier joj pahražaje da dziesiaci hadoŭ turmy

Клас
2
Панылы сорам
3
Ха-ха
0
Ого
2
Сумна
8
Абуральна
73