19 studzienia na mnohich vadajomach Biełarusi adbyvajucca akunańni ŭ pałonku, prymierkavanyja da pravasłaŭnaha śviata Vadochryšča.

Na vadaschoviščy Drazdy pałonku aśviaciŭ pierad kupańniem pratadyjakan Maksim Łohvinaŭ. Pračytaŭšy malitvu, śviatar pieršym stupiŭ da ijardani i śmieła akunuŭsia, za im pajšli inšyja.

«Vadochryšča — vialikaje śviata, jano jašče nazyvajecca Bohajaŭleńnie, — paviedamiŭ baciuška. — Spačatku heta było adno śviata z Naradžeńniem Chrystovym: chryścijanie śviatkavali toje, što Boh javiŭsia hetamu śvietu. Toj, chto byŭ čužy, staŭ ciapier adnym z nas, pryjšoŭ u hety śviet, kab być z nami. Jak pra heta kaža Iaan Bahasłoŭ: «słova, jakim uvieś śviet pačaŭ być, stała ciełam, žyło z nami poŭnaje božaj łaski i iściny». Mienavita heta my śviatkujem».

Pavodle słoŭ śviatara, mienavita ŭ pamiać ab chryščeńni Isusa Chrysta ludzi taksama akunajucca ŭ vadajomy, biaruć hetuju vadu, «praź jakuju Boh nam mieŭ łasku padać žyćcio».

«Viadoma, u nas u Biełarusi jość śviatyja miescy, cudatvornyja vadajomy, — patłumačyŭ ajciec Maksim, — kudy nabožnyja chryścijanie imknucca, kab akunucca. Nasamreč, siońnia heta nie tak užo i važna, t

amu što na Vadochryšča ŭsia vada ŭ lubym vadajomie śviataja.

Tamu što praz vadajom Haspodź nam daje vylečvańnie i ačyščeńnie. Navat vada z‑pad krana, nabranaja hetymi dniami, vałodaje hajučymi ŭłaścivaściami».

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?