Taki vyrak vynies sud Minskaha rajona vierniku habrejska‑miesijanskaj supołki Ivanu Michajłavu za admovu słužyć u vojsku.

Z ulikam taho, što ad 20 śniežnia Ivan Michajłaŭ znachodzicca pad vartaj u Žodzinskim SIZA, jon prabudzie za kratami 1,5 miesiacy.

Abvinavaŭca paprasiŭ dla Michajłava 5 miesiacaŭ źniavoleńnia.

Ivana Michajłava vinavacili ŭ tym, što jon uchilajecca ad słužby ŭ vojsku.

Ivan zajaŭlaje, što jon — viernik i nie choča parušać zapaviet «Nie zabi». Jamu admovili ŭ słužbie ŭ reziervie.

«U hetym i jość uvieś kłopat dziaržavy pra šmatdzietnuju siamju. U siamji šaściora dziaciej‑utrymancaŭ. Ivan dapamahaŭ materyjalna siamji», — zajaviŭ Uładzimir Michajłaŭ, baćka Ivana.

Suzasnavalnik partyi BCHD Alaksiej Šejn zajaviŭ, što taki prysud Ivanu Michajłavu — heta «hrubaje parušeńnie zakona pra svabodu vieravyznańnia».

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?