Pastanovaj Ministerstva pracy i sacyjalnaj abarony Biełarusi ŭstanoŭleny pamiery minimalnych spažyvieckich biudžetaŭ u siarednich cenach śniežnia 2009 hoda dla roznych sacyjalna‑demahrafičnych hrup nasielnictva.

Hetyja narmatyvy dziejničajuć z 1 lutaha pa 30 krasavika 2010 hoda

Siaredniedušavy minimalny spažyviecki biudžet siamji z čatyroch čałaviek z 1 lutaha hetaha hoda składaje Br395 tys. 20 u raźliku na miesiac

(z 1 listapada 2009 hoda pa 31 studzienia 2010‑ha byŭ roŭny Br387 tys. 690).

Novy MSB siamji z čatyroch čałaviek pavialičyŭsia na 1,9 pracenta, što źviazana z rostam cen na tavary i taryfaŭ na pasłuhi, rastłumačyła hałoŭny śpiecyjalist upraŭleńnia kompleksnaha analizu i kaardynacyi Ludmiła Siniucina. Hety sacyjalny narmatyŭ słužyć asnovaj dla vyznačeńnia prava hramadzian na atrymańnie lhotnych kredytaŭ i subsidyj na budaŭnictva (rekanstrukcyju) abo nabyćcio žyłych pamiaškańniaŭ.

U adpaviednaści z zakanadaŭstvam minimalny spažyviecki biudžet ujaŭlaje saboj raschody na nabyćcio naboru spažyvieckich tavaraŭ i pasłuh dla zadavalnieńnia asnoŭnych fizijałahičnych i sacyjalna‑kulturnych patrebnaściej čałavieka.

Asnoŭnyja artykuły raschodaŭ siaredniedušavoha minimalnaha spažyvieckaha biudžetu siamji z čatyroch čałaviek u cenach śniežnia 2009 hoda:

pradukty charčavańnia — 50,4 pracenta, adzieńnie, bializna, abutak — 20,2 pracenta, karystańnie žyłym pamiaškańniem i kamunalnyja pasłuhi — 11,8 pracenta, bytavyja pasłuhi, transpart, suviaź — 6,9 pracenta, pradmiety kulturna‑bytavoha i haspadarčaha pryznačeńnia — 6,6 pracenta, kulturna‑aśvietnyja mierapryjemstvy i adpačynak — 2,2 pracenta.

Minimalny spažyviecki biudžet prymianiajecca jak sacyjalny narmatyŭ dla prahnazavańnia źmianieńniaŭ uzroŭniu žyćcia nasielnictva, uzmacnieńnia sacyjalnaj padtrymki majučych patrebu hramadzian, farmiravańnia sistemy narodnahaspadarčych praporcyj i pryjarytetaŭ, jakija zabiaśpiečvajuć paetapnaje nabližeńnie spažyvańnia hramadzian da navukova abhruntavanaha ŭzroŭniu.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?