Saviet ministraŭ Biełarusi ŭnios źmianieńni ŭ praviły akazańnia pasłuh elektrasuviazi.

Pavodle infarmacyi pres‑słužby ŭrada, u adpaviednaści z pastanovaj Savieta ministraŭ №84 ad 25 studzienia 2010 hoda, u pryvatnaści,

źmienicca paradak padliku słoŭ u telehramach.

Tak, za adno słova ŭ mižnarodnaj telehramie ličycca kožnaje słova, kožnaja hrupa, jakaja składajecca ź litar i ličbaŭ, kožnaja źmiešanaja hrupa, jakaja składajecca nie bolš čym z 10 litar (znakaŭ, ličbaŭ). Pry najaŭnaści ŭ hrupie bolš za 10 litar (znakaŭ, ličbaŭ) kožnyja nastupnyja 10 litar (znakaŭ, ličbaŭ) buduć ličycca asobnym słovam.

Akramia taho, pracy pa ŭstanoŭcy abanienckich razietak dla padklučeńnia kancavych ustrojstvaŭ buduć vykonvacca rabotnikami apieratara elektrasuviazi ŭ terminy, uzhodnienyja z abanientam. Raniej takija pracy pravodzilisia nie paźniej za 10 dzion paśla apłaty abanientam ich koštu.

«Pastanova №84 pryniata z metaj udaskanaleńnia paradku akazańnia pasłuh elektrasuviazi. Pry raspracoŭcy dakumienta ŭličvalisia prapanovy Suśvietnaha banka, subjektaŭ prava zakanadaŭčaj inicyjatyvy, zacikaŭlenych orhanaŭ, u tym liku tych, jakija ažyćciaŭlajuć apieratyŭna‑vyšukovuju dziejnaść, apierataraŭ elektrasuviazi», — adznačyła pres‑słužba.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?