Pra heta na naradzie ŭ MZS Finlandyi zajaviŭ kiraŭnik ministerstva Alaksandr Stub, paviedamlaje pres‑słužba viedamstva.

«Pamiž Minskam i Chielsinki ŭsiaho 800 km. Našy adnosiny majuć vialiki ekanamičny patencyjał, i my pavinny maksimalna im skarystacca», — zajaviŭ Stub. Jon taksama padkreśliŭ, što jość dobryja ŭmovy dla raźvićcia dvuchbakovych suviaziaŭ, jakija za apošnija hady pašyrylisia.

Finlandyja taksama imkniecca raźvivać demakratyju ŭ Biełarusi, skazaŭ finski ministr. «Pravy čałavieka lažać u asnovie našaj źniešniaj palityki — my možam rabić upłyŭ ułasnym prykładam», — ličyć Stub.

Pavodle mierkavańnia kiraŭnika MZS Finlandyi,

u Biełarusi «prykmietny pastupovy prahres, ale nie ŭsio ŭ normie z punktu hledžańnia pravoŭ čałavieka i viaršenstva zakona».

«Ale kirunak [raźvićcia] dakładny», — skazaŭ Stub. Jon adznačyŭ, što Biełaruś važnaja jak susied Finlandyi, tamu finskaje dyppradstaŭnictva ŭ Minsku «apraŭdanaje».

29 studzienia ŭ Chielsinki byŭ apublikavany pieršy aficyjny dakumient ab raźvićci adnosin z krainami Uschodniaj Jeŭropy, Paŭdniovaha Kaŭkaza i Centralnaj Azii. Dakumient uklučaje acenku raźvićcia rehijonu i dvuchbakovyja adnosiny hetych krain ź Finlandyjaj i Jeŭrasajuzam. Hałoŭnymi metami palityki ŭ rehijonie vyznačana padtrymka demakratyi i pravoŭ čałavieka, praduchileńnie kanfliktaŭ i ŭmacavańnie źniešniaj palityki ES.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?